पन्छी, पन्छीजन्य पदार्थ ओसारपसारमा पूर्ण रोक
संक्रमण क्षेत्रभित्र पन्छी, पन्छीजन्य पदार्थको बिक्री वितरण गर्न प्रतिबन्ध
See more at: https://www.facebook.com/nepalinewss-भिडियो हेर्नुस्:http://www.youtube.com/watch?v=xmpNPgUvoxY
पशु सेवा विभागमा भएको उक्त निर्णय कार्यान्वयनमा सहयोग गरिदिन भन्दै भक्तपुर प्रशासनमा बुधबार सर्वदलीय बैठक राखिएको थियो । दलका प्रतिनिधिले निर्णय कार्यान्वयनमा प्रतिबद्धता जनाउूदै थप १२ बुँदे सुझावसमेत दिए । 'बिहीबारदेखि लागू हुनेगरी दैवीप्रकोप ऐन ०३९ को दफा ४ अनुसार जारी भएको बर्डफ्लु रोग निणन्त्रण आदेश ०६४ को दफा ५ अनुसार बर्डफ्लु रोग संकटग्रस्त क्षेत्र घोषणा गरी नियन्त्रण गर्ने निर्णय भएको छ,' विभागले भक्तपुर प्रशासनलाई पठाएको पत्रमा भनिएको छ, 'सहयोग गरिदिनु हुन अनुरोध गरिन्छ ।'
निर्णयमा संक्रमित क्षेत्रको चार किल्लासमेत तोकिएको छ । पश्चिममा गोठाटार, पेप्सीकोला क्षेत्र, पूर्वमा भक्तपुर र काभ्रेको सीमावर्ती जंगल डाूडो, उत्तरमा नगरकोट डाूडाको वन सिमाना र दक्षिणमा नंखेल, गुन्डु डाूडाभित्रको क्षेत्र यसमा पर्छन् । राजनीतिक दलले सरकारको निर्णयको स्वागत गरिरहूदा भक्तपुरका कुखुरा व्यवसायी भने नारा लगाएर विरोध गरिरहेका थिए ।
साउन ११ मा सिपाडोल- २ स्थित हिमाल पोल्ट्री र्फमबाट सुरु भएको बर्डफ्लु बुधबारसम्म ६२ र्फममा फैलिएको छ । बुधबार मात्रै थप १० वटा र्फममा बर्डफ्लु देखिएको विभागले जनाएको छ । प्रमुख जिल्ला अधिकारी हिमनाथ दवाडीका अनुसार ५२ र्फमबाट बुधबारसम्म २ लाख ७६ हजार ८ सय ५३ कुखुरा, ६ लाख २४ हजार १० अन्डा र २७ हजार ८ सय ५० किलो दाना नष्ट गरिसकिएको छ । संकटग्रस्त घोषणा गरेपछि करिब ३ लाख जिउूदा कुखुरा नष्ट गर्नुपर्ने देखिएको विभागका उपमहानिर्देशक डा. रामकृष्ण खतिवडाले बताए । नियन्त्रणका लागि १२ टोली परिचालन गर्ने विभागले तयारी गरेको छ । कुखुरा पालक व्यवसायी संघका अनुसार भक्तपुरमा करिब २ सय ५० को हाराहारीमा र्फम छन् । तिनमा ५२ वटा बर्डफ्लु देखिएर नष्ट गरिसकिएको छ । 'बढीमा एक साताभित्र नष्ट गरिसक्छौं,' खतिवडाले भने ।
कुखुरा पालक संघ भक्तपुरका अध्यक्ष तुलसीराम धुख्वाले व्यवसायीको लागत बराबर क्षतिपूर्ति दिने निर्णय नभएसम्म नष्ट गर्न नदिने बताए । 'जबसम्म लागतअनुसार क्षतिपूर्ति पाउूदैनौं, तबसम्म सरकारी निर्णय कार्यान्वयन गर्न दिूदैनौं,' उनले भने, 'हाम्रो माग सुनुवाइ हुन्छ भने सरकारलाई सघाउन तयार छौ ं।' बर्डफ्लु लागेका र्फमको सुली नष्ट नगर्दा भक्तपुरमा यो रोग फैलिएको व्यवसायीको आरोप छ । यदि संकटग्रस्त क्षेत्र घोषणा गर्ने हो भने राज्यको सबै संयन्त्र प्रयोग गरेर एकै दिनमा नष्ट गर्न पनि व्यवसायीको माग छ ।
संकटग्रस्त क्षेत्र घोषणा गर्ने सरकारको निर्णयमा प्रतिबद्धता जनाउनेमा एमाओवादीका सुरेशप्रसाद न्यौपाने, कांग्रेसका गणेश चक्रधर, एमालेका राजेन्द्र राजथला, शिवलाल बाला श्रेष्ठ, नेमकिपाका रमेश थापा श्रेष्ठ, रवीन्द्र खर्बुजा, राप्रपाका सुरेन्द्रप्रताप शाह, नेकपा- माओवादीका देवेन्द्र श्रेष्ठ, मालेका अदिप खड्का छन् । प्रजिअ दवाडीको अध्यक्षतामा बसेको बैठकले काठमाडौं र ललितपुरमा पनि संकटग्रस्त क्षेत्र घोषणा गर्नुपर्ने, संक्रमित कुखुरा मारेपछि उचित व्यवस्थापन गर्नुपर्ने, व्यवसायीलाई सरकारले दिने राहत रकम न्यून भएकाले थप गर्न र नष्ट गरेको पन्छीधनीले बैंकबाट लिएको ऋणको ब्याज मिनाहा गर्न अनुरोध गर्ने निर्णय गरेको छ । त्यस्तै नष्ट गरेको पन्छी र पन्छीजन्य पदार्थको क्षतिपूर्तिलाई वर्गीकरण -साना र ठूला व्यवसायी) गरेर उपलब्ध गराउन सहभागीले सुझाव दिएका थिए ।
त्यस्तै संक्रमित क्षेत्रभित्र पन्छीजन्य पदार्थको बिक्री वितरण गर्न प्रतिबन्ध लगाउने, मासु पसलबाट नमुना संकलन गरी परीक्षण गर्ने, संक्रमित क्षेत्रको बाटो हुूदै पन्छी, पन्छीजन्य पदार्थ ओसारपसारमा पूर्ण प्रतिबन्ध लगाउने भएको छ । संक्रमित कुखुरा अन्यत्र नजाओस् भनेर उपत्यकाका चारै नाकामा अस्थायी क्वारेन्टाइन चेक प्वाइन्ट खडा गरेर चेकजाूच गरिने भएको छ । भ्याक्सिनबाट बर्डफ्लु फैलिएको भन्ने समाचार प्रकाशित भएपछि अनुसन्धान गरी अवैध रूपमा भ्याक्सिन बिक्री वितरण गर्नेलाई कारबाही गर्न बैठकले सुझाव दिएको छ ।
प्रजिअ दवाडीले कुखुरा नष्ट गर्न सुरक्षा व्यवस्था कडा पारिने बताए । 'त्यसका लागि माग भएअनुसार नेपाल प्रहरी र सशस्त्र प्रहरी परिचालन गरिनेछ,' उनले भने ।
प्रकाशित मिति: २०७० श्रावण ३१
१ सलमान खान