video:http://www.youtube.com/watch?v=xmpNPgUvoxY 
Saturday, July 27, 2013
नेपाल प्रभावशाली जितसँगै फाइनलमा बंगलादेश ५-१ ले पराजित -
काठमाडौं, श्रावण १३ - नेपालले सुरुआती २२ मिनेटभित्र आक्रामक खेल पस्कँदै तीन गोल गरेपछि बंगलादेशविरुद्ध सहज जित हात पार्दै शनिबार दोस्रो साफ यू-१६ च्याम्पियनसिपको फाइनल यात्रा तय गरेको छ । नेपालले परम्परागत दक्षिण एसियाली प्रतिद्वन्द्वीलाई समग्रमा ५-१ ले पन्छायो । प्रतियोगितामा वर्षातले प्रभावित नभएको खेलमा नेपालको पहिलो जित हो ।
उपाधिको दाबेदार नेपालले चार खेलयताकै उत्कृष्ट लय बंगलादेशविरुद्ध समात्यो । निरन्तर एकपछि अर्को आक्रमण गर्यो । नेपाली खेलाडीले ७ मिनेटभित्रै गरेको तीन 'फ्रि-हेडर'मा बलले गोलपोस्टको दिशा लिएन । त्यसपछि भने दनादन गोल गर्यो । सुजन लिम्बू इङनामले आठौं मिनेटमा गोलको खाता खोले ।video: http://www.youtube.com/watch?v=xmpNPgUvoxY
पाहुना टोलीका गोलकिपर पप्पु होसेन अगाडि बढेको स्थितमा विमल घर्तीमगरले 'चिप' गरेको बल क्रसबारमा लागेर फर्केको थियो । त्यही रिबाउन्ड बललाई सुजनले गोलमा परिणत गर्दै नेपाललाई अगाडि बढाए । विमलले अमित तामाङको क्रस उपयोग गर्दै २० औं मिनेटमा गोल गरेपछि नेपालले २-० को अग्रता लियो । उनको 'डाइभिङ हेडर'मा निस्किएको त्यो गोल लोभलाग्दो थियो । भुटानविरुद्ध ७-० को जितमा ह्याटि्रक गरेका उनी ६ गोलसहित प्रतियोगिताको गोलकर्ताको सूचीमा पहिलो
स्थानमा छन् ।
तेस्रो गोल अञ्जन विष्टको नाममा रह्यो । कप्तान हेमन्त थापामगरको कर्नरमा बनेको मुभमा उनले बललाई २२ औं मिनेटमा गोल लाइन पार गराएका थिए । दशरथ रंगशालामा नेपाली किशोर खेलाडी सुरुका ३० मिनेट उत्कृष्ट देखिए । त्यसपछि बंगलादेश विस्तारै अगाडि बढ्यो । तर, गोल फर्काउन सकेन । यस्तैमा विकास थापाको क्रस क्लियर गर्ने प्रयासमा बंगलादेशी डिफेन्डर मोहम्मद एटिक्ज्जामनले ५६ औं मिनेटमा आत्मघाती गोल गरेपछि नेपालको अग्रता ४-० भयो ।
खेलले ठीक एक घन्टा छुँदा सुजनले व्यक्तिगत दोस्रो गोल गरे । पेनाल्टी क्षेत्रमा गोलकिपर होसेनले फुत्काएको बल नियन्त्रण गर्दै उनले नेपालको पाँचौं गोल गरेका थिए । स्वदेशी डिफेन्सको समझदारी अभावको फाइदा लिंदै बंगलादेश फरवार्ड अल अमिन तुसारले ६५ औं मिनेटमा गोल गरे । तर, खेलमा
र्फकन बंगलादेशलाई निकै ढिला भइसकेको थियो । विमलको हेडरमा बंगलादेशका डिफेन्डर मोहम्मद एस होसेनले गोल लाइनबाट ७७ औं मिनेटमा बल क्लियर गरे । आकाश थापाको पि|mकिकमा अनन्त तामाङले ८२ औं मिनेटमा गरेको हेडर पोलमा लागेर फर्कियो । नेपालले थप ३ गोलका अवसर उपयोग गर्न सकेन । दुर्लभै गोलका अवसर सिर्जना गरेको बंगलादेश ६९ औं मिनेटमा सहज अवसर उपयोग गर्न चुक्यो ।
कुनै पनि स्तरको अन्तर्राष्ट्रिय फुटबलमा नेपाल १४ वर्षपछि फाइनल पुगेको हो । सन् १९९९ को आठौं दक्षिण एसियाली खेलकुदमा नेपालले दशरथ रंगशालामै बंगलादेशविरुद्ध फाइनल खेलेको थियो । त्यसमा नेपाल रजतपदकमै समेटियो ।
नेपालले साफ यू-१६ मा पहिलोपल्ट फाइनलमा स्थान बनाएको हो । दुई वर्षअघि दशरथ रंगशालामै भएको पहिलो संस्करणमा नेपाल २-१ ले बंगलादेशलाई हराएर तेस्रो भएको थियो । त्यसबेला समूह चरणमा नेपाल र बंगलादेशले गोलरहित नतिजा निकालेका थिए । त्यसैले बंगलादेशविरुद्ध साफ यू-१६ का ३ खेलमा नेपाल अगाडि छ ।
प्रशिक्षक आत्मविश्वासी बन्दै 'फाइनल पुग्न र उपाधि जित्न सक्षम छौं भन्ने देखायौं,' नेपालका प्रशिक्षक बालगोपाल महर्जनले भने, 'आक्रामक रूपमा सबैले राम्रो खेले । सबैले शतप्रतिशत शक्ति लगाए । यस्तै खेललाई फाइनलमा निरन्तरता दिने प्रयास गर्नेछौं ।' भारतविरुद्ध अफगानिस्तानको विजेतासँग नेपालले मंगलबार फाइनल खेल्नेछ । 'अब फाइनलको तयारी गर्नेछौं । ट्रफी बाहिर -विदेश) नपठाउने धोको छ,' उनले भने ।
खेलाडी स्वार्थी भएकाले दोस्रो हाफमा बल पोसेसनमा राख्न नसकेको महर्जनले बताए । मिडफिल्डमा जमेका कप्तान हेमन्तले भने, 'बंगलादेशले रफ एन्ड टफ खेल्यो । तीन गोल गरेपछि गोल हान्ने मात्र सोच आयो । त्यसैले खेल (३० मिनेटपछि) राम्रो भएन ।'
खेलको सबै पक्षमा नेपाल राम्रो भएको बंगलादेशका डच प्रशिक्षक रेने कोस्टरले बताए । 'शारीरिक, टेक्निकल, ट्याक्टिकल र मानसिक रूपमा नेपाल राम्रो देखियो,' उनले भने, 'अन्तर्राष्ट्रिय रंगशालामा पहिलोपल्ट हजारौं दर्शकअघि नयाँ मैदानमा हाम्रा खेलाडी नर्भस भए । त्यसैले गल्ती गरे । विशेषगरी गोलकिपरले बिर्सनलायक गल्ती
गरे ।' बढी उमेरका खेलाडी खेलाएको आशंका गर्दै उनले भने, 'नेपालको मात्र होइन, सबै देशका खेलाडी शारीरिक रूपमा निकै बलिया छन् । उनीहरू सबै १५-१६ वर्षका मात्र पक्कै होइनन् ।'
प्रकाशित मिति: २०७० श्रावण १३
-popular video: http://www.youtube.com/watch?v=xmpNPgUvoxY
मधेसी दल चुनावी अभियानमा,उपेन्द्रले मागे सरकारसँग सुरक्षा
काठमाडौ, श्रावण १३ - मधेसवादी दलहरूले पनि चुनावी अभियान तीव्र पार्ने भएका छन् । महन्थ ठाकुर नेतृत्वको तराई मधेस लोकतान्त्रिक पार्टी (तमलोपा) ले शुक्रबार नै चुनावी अभियान घोषणा गरेको छ भने राजेन्द्र महतो नेतृत्वको सद्भावना पार्टीले शनिबार । 'पार्टीले अभियानलाई सक्रियताका साथ अघि बढाउने निर्णय गरेको छ,' तमलोपा उपाध्यक्ष वृषेशचन्द्र लालले भने, 'संघीयतावादी र परिवर्तनकारी शक्तिका लागि मंसिर ४ का लागि तोकिएको संविधानसभाको दोस्रो निर्वाचन महत्त्वपूर्ण छ ।' तमलोपा केन्द्रीय कार्यसमितिको विस्तारित बैठकले चुनाव गराउन र देशभर चुनावी माहौल बनाउन केन्द्रदेखि स्थानीयस्तरसम्म अभियान चलाउने निर्णय गरेको हो ।
उसले मतदाता नामावलीमा दर्ता गराउने म्याद थप गर्न र जनसंख्या वृद्धि भएका जिल्लामा नयाँ निर्वाचन क्षेत्र निर्धारण गर्नसमेत आग्रह गरेको छ । '१६ महिनादेखि तमलोपाले मधेसवादी दलबीच एकताका लागि गर्दै आएको गहन प्रयासलाई बैठकले निरन्तरता दिने निर्णय गरेको छ,' पार्टी विज्ञप्तिमा भनिएको छ । महतो नेतृत्वको सद्भावना पार्टीले समेत कुनै पनि हालतमा ४ मंसिरमै चुनाव हुनुपर्ने निष्कर्ष निकाल्दै भदौ पहिलो सातासम्म ६४ जिल्लाका निर्वाचन क्षेत्रमा अभियान चलाइसक्ने निर्णय गरेको छ ।
'निर्वाचनलाई केन्दि्रत गर्दै देशभर पदयात्रा गरिनेछ,' महतोले शनिबार कान्तिपुरसँग भने, 'अभियानमा केन्द्रीयस्तरका नेता सहभागी हुनेछन् ।' भदौ पहिलो साता बस्ने केन्द्रीय समिति बैठकमा चुनावी अभियान यात्राको प्रतिवेदन पेस गरी छलफल हुने उनले बताए ।
पछिल्ला दिनमा महतो सद्भावनाले तराई/मधेसका साथै पहाड र हिमाली जिल्लामा समेत पार्टी विस्तार गरेको छ । उसको राष्ट्रिय कार्यसम्पादन समितिको बैठकले चुनाव लक्षित कार्यक्रम घोषणा गरेको हो । उसले पनि जनसंख्या बढेका जिल्लामा निर्वाचन क्षेत्र बढाउन माग गर्दै सरकार र निर्वाचन पुनर्संरचना निर्धारण आयोगलाई ध्यानाकर्षण गराउने निर्णय गरेको छ । त्यस्तै, मतदाता सूचीमा नाम लेखाउने समय थप गर्न माग गर्दै यसै साता निर्वाचन आयोगलाई ध्यानाकर्षण गराउने भएको छ ।
यस्तै, तराईमा सशस्त्र विद्रोहमा संलग्नलाई वार्तामा ल्याउन सरकारलाई ध्यानाकर्षण गराउनुका साथै वार्तामा आएका समूहसँग भएका सम्झौता कार्यान्वयन गर्नसमेत ध्यानाकर्षण गराउने जनाएको छ ।
यसअघि महेन्द्रराय यादव नेतृत्वको तमलोपा नेपालले समेत मन्त्रिपरिषद् अध्यक्ष खिलराज रेग्मीलाई भेटेर जनसंख्या अनुपातमा तराई मधेसमा निर्वाचन क्षेत्र बढाउन र मतदाताको नाम सूचीकृत गर्ने समय थप गर्न माग गरेको थियो । चुनाव घोषणा भएकै बेला आफ्ना कार्यकर्तामाथि आक्रमण बढेपछि उपेन्द्र यादव नेतृत्वको मधेसी जनअधिकार फोरमले केन्द्रदेखि जिल्लास्तरका नेतालाई विशेष सुरक्षा दिन सरकारसँग माग गरेको छ ।
अध्यक्ष यादवले शनिबार मन्त्रिपरिषद् अध्यक्ष खिलराज रेग्मीलाई भेटेर केन्द्रीय कार्यालय र स्थानीय कार्यालयमा सुरक्षाको विशेष व्यवस्था गर्न माग गरेका हुन् । आफ्ना कार्यकर्ता र पार्टी कार्यालय निसानामा परेको भन्दै उनले मधेसका जिल्लामा सुरक्षामा सतर्कता अपनाउन माग गरेका हुन् । 'महोत्तरीलगायत पूरै मधेसमा भइरहेको आपराधिक गतिविधि अविलम्ब बन्द गरी शान्ति सुरक्षा बहाल गर्न हाम्रो आग्रह छ,' ज्ञापनपत्रमा छ ।
प्रकाशित मिति: २०७० श्रावण १३
- See more at: https://www.facebook.com/nepalinewssप्रकाशित मिति: २०७० श्रावण १३
-popular video: http://www.youtube.com/watch?v=xmpNPgUvoxY
बेलायतले दिन्न भनेपछि गोर्खाली झन् आक्रोशित
लन्डन-, श्रावण १३ - तीन महिनाअघि बेलायती प्रधानमन्त्री डेभिड क्यामरुनलाई ६ सूत्रीय मागसहित ज्ञापनपत्र दिएर गोर्खा सत्याग्रह आन्दोलन घोषणा गरेका पूर्वगोर्खालीहरू आफ्ना मागप्रति बेवास्ता गरिएकामा आक्रोशित छन् ।
क्यामरुनले रक्षा मन्त्रालयमार्फत केहीअघि पठाएको पत्रमा गोर्खाहरूलाई दिइँदै आएको सुविधा पर्याप्त भएको र त्यस सरकारी धारणामा कुनै परिवर्तन नआएको उल्लेख भएपछि गोर्खाहरू रुष्ट भएका हुन्् । प्रधानमन्त्रीको जवाफ परम्परागत ढर्राको रहेको गोर्खा सत्याग्रह अभियानको आरोप छ । गोर्खाहरूले बेलायती जीवन पद्धति, परम्परा र बेलायतलाई स्वतन्त्र र प्रजातान्त्रिक मुलुकका रूपमा रक्षा गर्दै आएकामा भने उच्च कदर गर्ने पत्रमा जनाइएको छ ।
सत्याग्रह आन्दोलनका तर्फबाट गत २४ अपि्रलमा प्रधानमन्त्री क्यामरुनलाई ज्ञापनपत्र बुझाइएको थियो । पत्रमा सेवानिवृत्त भएकै दिनदेखि समकक्षीसरह समान पेन्सन, क्षतिपूर्ति, १८ नाघेका सन्तानलाई समेत आवासीय अधिकार, भूपू गोर्खाहरूलाई नेपालमा निःशुल्क स्वास्थ्योपचार सुविधा उपलब्ध गराउनुपर्नेलगायत ६ सूत्रीय माग थिए । जवाफ निराशाजनक आएपछि भूपू गोर्खाहरूले पूर्वनिर्धारित कार्यक्रमअनुसार आगामी २४ अक्टोबरसम्म बेलायत सरकारले आफ््ना जायज माग पूरा नगरे रिले अनशन र भोक हडतालसम्म गर्ने चेतावनी दोहोर्याएका छन् । १३ भिसीका नाममा १३ दिन रिले अनशन र त्यसपछि भोक हडताल गर्ने उनीहरूको चेतावनी छ ।
संयुक्त संघर्ष समितिले सत्याग्रह घोषणा एवं ज्ञापनपत्र बुझाएको ठीक ३ महिनापछि बुधबार पत्रकार सम्मेलन गरी स्थानीय सांसद रव विल्सनमार्फत पुनः प्रधानमन्त्रीलाई जवाफसहित ज्ञापन पठाएको छ । जवाफमा गोर्खाहरूमाथि सदीयौंदेखि भेदभाव गरिएको उल्लेख गर्दै यसअघि बेलायतका लागि दसौं हजार गोर्खाले बलिदान दिए पनि यसपटक आफूहरू आफ््नै लागि ज्यान दिन तयार रहेको उल्लेख छ ।
अभियान निर्देशक ज्ञानराज राईले बेलायत सरकारले आफ्ना जायज माग पूरा नगरे रिले अनशन र भोक हडतालको विकल्प नभएको बताए । 'त्यसअघि हाम्रो अभिभावक नेपाल सरकार नै भएकाले पुनः एकपटक त्यहाँका राष्ट्रपति, प्रधानमन्त्री र प्रमुख राजनीतिक दललाई सविस्तार जानकारी गराउने सोचेका छौं,' राईले भने ।
सत्याग्रह आन्दोलनका गोर्खा दूत रामनारायण कन्दङवाले प्रधानमन्त्री क्यामरुनको भनाइ र बेलायत सरकारकोे गोर्खाहरूप्रतिको धारणा शतप्रतिशत गलत र निराशाजनक भएको बताए । 'बेलायतले गोर्खाहरूको रगत, पसिना र आँसुको साँच्चै इमान्दार ढंगले कदर र सम्मान गर्ने हो भने उनीहरूलाई बेलायती समकक्षीसरह सुविधा दिइनुपर्छ,' उनले भने ।
सम्मेलनमा स्थानीय सांसद रव विल्सनले गोर्खाहरूका माग जायज भएपनि बेलायत सरकार अहिले गम्भीर आर्थिक संकटमा फँसेकाले ती माग पूरा गर्न निकै कठिन हुने बताए । उनले कुनै पनि गोर्खाहरूको अकालमै निधन भएको सुन्न र हेर्न कसैको चाहना नभएको बताउँदै माग पूरा गराउन आमरण अनशनबाहेकका उपाय ख्ाोज्न सुझाए ।
त्यस अवसरमा स्थानीय काउन्सिलर एवं सन् २०१५ को आमनिर्वाचनमा अनुदार दलकातर्फबाट उम्मेदवार बन्न लागेका म्याट रोजर, मजदुर दलका बहालवाला काउन्सिलर रव वाइट, अभियानका वरिष्ठ सल्लाहकार अवकाश प्राप्त मेजर मानबहादुर राई, क्याप्टेन धर्मध्वज राई, सन्् २०१० की मिस यूके नेपाल नविना गुरुङलगायतले गोर्खाहरूलाई न्याय दिइनुपर्ने एकमत जाहेर गरेका थिए ।
प्रकाशित मिति: २०७० श्रावण १३
- See more at: https://www.facebook.com/nepalinewss-popular video: http://www.youtube.com/watch?v=xmpNPgUvoxY
बस र ट्रक ठोक्किँदा दुईको मृत्यु चार जना घाइते
दाङ, श्रावण १३ - दाङमा आइतबार बिहान रोकिराखेको ट्रकमा बस ठोक्किदा दुई जनाको ज्यान गएको छ भने ६ जना घाइते भएका छन् ।
काठमाडौंबाट धनगढी जाँदै गरेको ना ४ ख ३९८१ नम्बरको यात्रुवाहक बस सतबरिया ९ अमिलियामा रोकिराखेको लु १ ख ६४६९ नम्बरको ट्रकमा ठोक्किदा बसका सहचालक र बसमा सवार एक यात्रुको मृत्यु भएको जिल्ला प्रहरी कार्यालय दाङले जानकारी दिएको छ ।
दुर्घटनामा कैलाली प्रतापपुर-५ निवासी अल्का चौधरीको मृत्यु भएको छ । बसका सहचालकको भने नाम ठेगाना खुल्न सकेको छैन । दुर्घटनामा बर्दिया बेलुवा ४ की २० वर्षीया निमा बुढा, कैलाली धनगढी नगरपालिकाकी २५ वर्षीया सावित्री आचार्य, कैलाली चौमाला ७ का ३६ वर्षीय रामचन्द्र अधिकारी, ३० वर्षीय प्रकाश केसी, कैलाली धनगढीका ४० वर्षीय तिलक बम र ४१ वर्षीय तेजबहादुर चन्द घाइते भएको प्रहरीले जानकारी दिएको छ ।
घाइते सबैलाई उपचारका लागि कोहलपुर मेडिकल कलेजमा लगिएको छ ।
प्रकाशित मिति: २०७० श्रावण १३
-popular video: http://www.youtube.com/watch?v=xmpNPgUvoxY
ताते दलहरू तीव्र पार्दै एमाओवादी, प्रशिक्षणमा कांग्रेस
- एक त, भदौमा मात्र सरुवा गर्न पाइन्छ, साउनमै गरियो । अर्को सामान्य प्रशासनको सहमति लिनुपर्छ, त्यसो पनि गरिएन: महेन्द्र गुरागाईं, सहसचिव, सामान्य प्रशासन मन्त्रालय
काठमाडौ, श्रावण १३ - संविधानसभा निर्वाचनको मिति नजिकिँदै जाँदा दलहरूले गतिविधि तीव्र बनाएका छन् । एमाओवादीले गत बिहीबार थालेको अभियानलाई मंगलबारदेखि सशक्त रूपमा अघि बढाउने जनाएको छ । कांग्रेसले 'सबभन्दा ठूलो दलका रूपमा विजयी हुने’ लक्ष्यका साथ ७५ जिल्लाकै अगुवा कार्यकर्तालाई शनिबारदेखि प्रशिक्षक प्रशिक्षण थालेको छ । जेठ र असारमा २ सय ४० निर्वाचन क्षेत्रमै अभियान चलाएर प्राप्त रिपोर्टका आधारमा चुनावी रणनीति बनाइसकेको एमाले यतिखेर उम्मेदवार छनोटको मापदण्ड तय र घोषणापत्र निर्माणमा केद्रित भएको छ । मधेसवादी दलहरू पनि अभियान घोषणा गरेरै जिल्ला दौडमा लागेका छन् ।
तीव्र पार्दै एमाओवादी
एमाओवादीले साउन १० देखि सुरु देशव्यापी निर्वाचन अभियानलाई मंगलबारदेखि तीव्र पार्ने जनाएको छ । यसअघि आन्तरिक पदीय झगडामा अल्भिmएको एमाओवादीको विस्तारित बैठकले २ सय ४० निर्वाचन क्षेत्रमै नेता खटाउने निर्णय गतसाता गरेको हो ।
'जनसम्बन्ध' नाम दिएको अभियान कम्युनिस्ट पार्टीका संस्थापक नेता नरबहादुर कर्माचार्यको श्रद्धाञ्जलि गरी सबै निर्वाचन क्षेत्रमा तीव्र पार्ने प्रवक्ता अग्नि सापकोटाले बताए ।
'चुनावको माहौल सिर्जना गर्न र जनतासँग सम्बन्ध सुदृढ गर्न अभियान सुरु गरिएको हो,' उनले भने, 'अभियानले तोकिएको मितिमा चुनाव गर्न र पार्टीको विजय सुनिश्चित गर्ने काम गर्नेछ ।'
एमाओवादीले सबै निर्वाचन क्षेत्रमा नयाँ नेता खटाएको छ । उसले आफ्नै निर्वाचन क्षेत्रमा कोही नेतालाई पनि पठाएको छैन । अभियानको उद्देश्य निर्वाचन अभियान मात्र चलाउनु नभएर आन्तरिक सर्वेक्षण गर्नु पनि भएको उसले जनाएको छ । अभियानमा जाने नेताहरूले पार्टी र विपक्षीको प्रभाव स्थितिबारे विवरण लिनेछन् । 'हामी लामो समय पार्टी बैठकमा केन्दि्रत भएकाले अभियानलाई युद्धस्तरमा लग्नेछौं,' उनले भने । 'पहिचान सहितको संघीयता, संघीयतासहितको संविधान, दोस्रो संविधानसभा निर्वाचनका लागि जनसम्बन्ध अभियान' भन्ने नाराका साथ अभियान सुरु गरेको हो ।
एमाओवादीले नेताहरूले केन्द्रमा बुझाउने रिपोर्टका आधारमा निर्वाचन रणनीति बनाउने उनले जानकारी दिए ।
अभियानमा सल्लाहकार, केन्द्रीय सदस्य, वैकल्पिक केन्द्रीय सदस्य, राज्य सदस्यहरू, जिल्ला सदस्यहरू र सम्पूर्ण पार्टी, वाईसीएल, जवस, जातीय मोर्चा, विभाग र पार्टी समर्थक कार्यकर्ता सामेल गराउने उसको नीति छ । गाउँस्तरीय भेटघाट, गोष्ठी, अन्तक्रिर्या, जनताका समस्याको अध्ययन, सहिद तथा बेपत्ता योद्धा परिवार तथा घाइते/अपांग योद्धासँगको भेटघाट र विवरण संकलन गर्ने एमाओवादीले जनाएको छ । उसले निर्वाचन क्षेत्र र मतदान केन्द्र स्तरसम्म कम्तीमा पार्टी, युवा, दलित, महिला मोर्चाको चुनाव प्रचारप्रसार समिति गठन गर्ने निर्णय गरिसकेको छ ।
अभियानमा जाने नेताहरूले मतदातासँग भेटघाट गर्न घरदैलो अभियान चलाउने सापकोटाको भनाइ छ । एमाओवादीको प्रचारप्रसारको यो पहिलो अभियान हो ।
यसैबीच, नेता बाबुराम भट्टराईको संयोजकत्वको निर्वाचन घोषणापत्र मस्यौदा समितिले सुझाव माग गरेको छ । भट्टराईको अध्यक्षतामा बसेको बैठकले केन्द्रीय कार्यालयमा आइपुग्ने गरी वा इमेलबाट सुझाव सल्लाह पठाउन आग्रह गरेको हो । बैठकले राज्य समितिस्तरमा निर्वाचन घोषणापत्रका लागि अन्तक्रिर्या गर्ने निर्णयसमेत गरेको छ । यस्तै नेता पोस्टबहादुर बोगटीको संयोजकत्वमा उम्मेदवार छनोट समिति गठन गरिसकेको छ ।
प्रशिक्षणमा कांग्रेस
काठमाडौं- कांग्रेसले संविधानसभा चुनावमा पार्टीलाई सबभन्दा ठूलो दलका रूपमा विजयी गराउन चुनावी अभियान सुरु गरेको छ । ७५ जिल्लाका ३ सयभन्दा बढी अगुवा कार्यकर्तालाई राजधानीमा शनिबार प्रशिक्षक प्रशिक्षण सुरु गरी उसले अभियान थालेको हो ।
कार्यकर्तालाई विचार र नीतिगत प्रशिक्षण दिई प्रचारमा संलग्न गराउन, मतदातालाई मतदान केन्द्रसम्म पुर्याई सुरक्षित मतदान गर्ने वातावरण तयार पार्न र पार्टी घोषणापत्र निर्माणमा सुझाव लिन केन्द्रमा पहिलो चरणमा तीनदिने प्रशिक्षक प्रशिक्षण गरिएको पार्टी प्रवक्ता दिलेन्द्र बडुले बताए । अब सबै जिल्ला, निर्वाचन क्षेत्र, मतदान केन्द्र र गाउँ-गाउँसम्म प्रशिक्षण र प्रचार एकसाथ सुरु गरी कार्यकर्तालाई चुनावका लागि सैद्धान्तिक र मनोवैज्ञानिक रूपले तयार पारी आमजनतालाई पार्टीका पक्षमा उभ्याउने उनले
उल्लेख गरे ।
उनका अनुसार केन्द्रका अगुवादेखि गाउँसम्मका कार्यकर्तालाई समसामयिक राजनीतिक सवालमा पार्टीको दृष्टिकोण, कांग्रेस र अरू दलबीचको भिन्नता तथा निर्वाचन तयारी र नयाँ संविधानमा पार्टीले अघि सार्ने एजेन्डा र अडानबारे प्रशिक्षण दिइनेछ ।
प्रशिक्षणमा पार्टी नेताहरूले संविधानसभाबाट संघीय लोकतान्त्रिक संविधान निर्माणका लागि पार्टीले चुनाव जित्न अपरिहार्य भएको बताए ।
पूर्ण एकताका सात चुनावी अभियान चलाउन उनीहरूले पार्टी नेता तथा कार्यकर्तालाई आह्वानसमेत गरे ।
अघिल्लो संविधानसभामा लोकतान्त्रिक शक्ति हारेकैले संविधान बन्न नसकेको दाबी उनीहरूको थियो । नेताहरूले अभियान तीव्र बनाउन छिट्टै केन्द्रीय समिति बैठक बोलाई प्रचार समिति, घोषणापत्र निर्माण समिति, उम्मेदवार छनोट गर्न संसदीय समिति, केन्द्रीय कार्यसम्पादन समिति गठन गर्ने जानकारी दिए । जोसुकैले विरोध गरे पनि ११ बुँदे सहमति र २४ बुँदे बाधा अड्काउ फुकाउ आदेशका आधारमै मंसिर ४ मा चुनाव सम्पन्न गरिने उनीहरूले बताए ।
सभापति सुशील कोइरालाले चुनाव बिथोल्ने षड्यन्त्र भए मुलुकमा ठूलो दुर्घटना हुन सक्ने चेतावनी दिँदै कहींबाट बहिष्कार र व्यवधान भए आमजनता उतारेर खबरदारी र प्रतिवाद गर्नसमेत कार्यकर्ताहरूलाई आग्रह गरे । निर्वाचन बहिष्कार गर्छु भन्नेहरूलाई आमजनताले नै बहिष्कारसहित खबरदारी गर्ने उनको भनाइ थियो । जनताको चाहना, मित्रराष्ट्रहरूको सद्भावअनुरूप राष्ट्रिय संकटको निकास खोज्न निर्वाचन अपरिहार्य भएकाले तिथि कुनै पनि हालतमा यताउता गर्न नहुनेमा उनले जोड दिए ।
उपसभापति रामचन्द्र पौडेलले मंसिरमा चुनाव नभए राष्ट्रियता कमजोर हुने उल्लेख गर्दै 'नेकपा-माओवादीका वैद्यले विरोध गरे पनि डाक्टरले विरोध गरे पनि चुनाव गराएरै छाड्नुपर्ने' बताए । 'देशमा भइरहेको ब्रह्मलुट, अराजकता र दुर्दशाको अन्त गरी सुशासन कायम गर्न तथा लोकतन्त्रलाई सुदृढ गर्न र राष्ट्रलाई विकासको बाटोमा अघि बढाउन चुनाव अवश्यम्भावी छ,' उनले भने । महामन्त्री प्रकाशमान सिंहले राष्ट्रियता र लोकतन्त्र कमजोर हुन नदिन चुनाव अपरिहार्य भएको उल्लेख गर्दै संघीयता, समावेशिता र गणतन्त्र संस्थागत गर्न मंसिर ४ मा निर्वाचन गराउनैपर्ने बताए । अर्का महामन्त्री कृष्णप्रसाद सिटौलाले असन्तुष्ट दलहरूसित वार्ताका नाममा कांग्रेस मंसिर ४ मा घोषित चुनाव पछि सार्ने पक्षमा नरहेको बताए । उग्रवामपन्थी र उग्रदक्षिणपन्थीबाट राष्ट्रियतामाथि प्रहार भएकाले जनताको मनबाटै आएको राष्ट्रियताको भावनालाई बलियो बनाउन पनि निर्वाचनमा जानुपर्ने उनले बताए ।
कोषाध्यक्ष चित्रलेखा यादवले पार्टीमा नेताको वरिपरि घुम्ने र मुख हेर्ने प्रवृत्ति त्यागेर रूख (पार्टीको चुनाव चिह्न) हेर्ने प्रवृत्तिले प्रोत्साहन पाउने हो भने आगामी निर्वाचनमा कांग्रेसलाई हराउने कसैको सामथ्र्य नभएको दाबी उनले गरिन् ।
प्रकाशित मिति: २०७० श्रावण १३
-popular video: http://www.youtube.com/watch?v=xmpNPgUvoxY
» मुख्य समाचार » घोषणापत्र बनाउँदै एमाले
काठमाडौं , श्रावण १३ - एमाले उम्मेदवार छनोटको मापदण्ड तय र घोषणापत्र निर्माणमा केन्द्रित भएको छ । केन्द्रीय समितिको जारी २२ औं बैठकले ती दुवै कामका लागि समिति बनाउने निर्णय गरेको छ । स्थायी समितिले त्यसको गृहकार्य गरिरहेको छ ।
एमालेले चुनावी एजेन्डा र नाराहरूमा राख्ने सैद्धान्तिक विषयहरू तय गरिसकेको छ । 'बहुजातीय पहिचानसहितको संघीयता, सामाजिक एकतासहितको राष्ट्रियता' लाई उसले प्रमुख मुद्दा बनाउने भएको छ । यो नीति कार्यान्वयनका लागि 'एमालेको नीति, एमालेकै नेतृत्व' भन्ने मूल चुनावी नारा तय गरेको छ । चुनावकै लागि भदौ तेस्रो साता राष्ट्रिय कार्यकर्ता भेला बोलाएको छ । भेलामा मुलुकभरका अगुवा कार्यकर्ता सहभागी हुने र त्यसपछि पार्टीको सम्पूर्ण पंक्ति चुनावी काममा होमिने एमालेले जनाएको छ ।
एमालेले यसअघि जेठ र असारमा पहिलो चरणको चुनावी कार्यक्रम सञ्चालन गरिसकेको
छ । उक्त अभियानबाट पार्टीको अवस्था मजबुत रहेको र पहिलो पार्टी बन्न सक्ने आँकलन गरेको छ । चुनावी अभियानको जारी बैठकले समीक्षा गर्दै कांग्रेसलाई प्रमुख प्रतिस्पर्धी दलका रूपमा उभ्याएको छ ।
प्रकाशित मिति: २०७० श्रावण १३
- See more at: https://www.facebook.com/nepalinewss-popular video: http://www.youtube.com/watch?v=xmpNPgUvoxY
» मुख्य समाचार » नेपालीलाई पत्याए ब्राउनले
लन्डन, श्रावण १३ - रेस्टुरेन्ट उद्घाटनको अन्तिम संघार थियो । सञ्चालकहरू अर्जुन भण्डारी र काशीराम भण्डारीले एक्कासि सोचे, 'पूर्वप्रधानमन्त्री गोर्डन ब्राउन यही क्षेत्रका सांसद पनि, उनलाई ल्याउन सके रेस्टुरेन्टको चर्चा नै बेग्लै हुने थियो ।' अर्जुनले फोन लगाए ब्राउनको पार्टी कार्यालयमा । उताबाट खास कार्यक्रम के हो भनेर सोधियो । सम्मान र रेस्टुरेन्ट उद्घाटन गर्नुपर्ने सुनाएपछि सेक्रेटरीले ब्राउनको व्यस्तता देखाउँदै अर्का एमपीलाई लगाए हुनेजस्तो कुरा गरे । तर, भण्डारीद्वयको चाहना ब्राउन नै थिए ।
विशेष अनुरोध गरेपछि फोनभन्दा इमेलमा निम्तो पठाउन भने सेक्रेटरीले । त्यसैअनुरूप निम्तो पठाएको तीन दिनमै ब्राउन राजी भए रेस्टुरेन्ट उद्घाटनमा आउन । 'हामीले त सोचेकै थिएनौं ब्राउनका हातबाट रेस्टुरेन्ट उद्घाटन होला भनेर,' अर्जुन र काशीरामले शनिबार कान्तिपुरसँग भने, 'अझ श्रीमती सारा बिनासूचना बच्चै बोकेर आउँदा त हामी दंगै पर्यौं ।' सुरक्षाका हिसाबले तीन दिन बीचमा ब्राउनको प्रोटेक्सन युनिटले भण्डारी ब्रदर्शहरूको सबै 'डिटेल्स्' चेक गरेका थिए । पूर्वप्रधानमन्त्री एवं स्कटल्यान्डको काउडेन्बिथ र किर्कोल्डी क्षेत्रका एमपी गोर्डन ब्राउनले केही दिनअघि नेपाली बफेट रेस्टुरेन्ट 'सिमला प्यालेस' उद््घाटन गरेपछि अहिले बेग्लै चर्चा छ । 'हाई प्रोफाइल' भएको व्यक्ति नेपालीको एउटा सानो कार्यक्रममा पुगेपछि नेपाली समुदाय आश्चर्यचकित र उनीप्रति बढी नै कृतज्ञ छ । यही कारण व्यवसाय पनि राम्रो चलेको मनोविज्ञान सञ्चालकमा छ । 'एक सय ५० सिट क्षमताको रेस्टुरेन्ट खुलेयता फुल छ,' काशीराम दंग छन् ।
स्कटल्यान्डको राजधानी एडिनबराबाट ३० माइल उत्तर ग्लेनरोथेस सहरमा रेस्टुरेन्ट खुलेको हो । ब्राउन त्यहींका बासिन्दा हुन् । हाल विश्व शिक्षाका लागि राष्ट्रसंघका विशेषदूत रहेका लेबोर पार्टी आबद्ध वरिष्ठ राजनीतिज्ञ ब्राउन त्यस दिन अर्को मिटिङ आधा घन्टा छोट्याएर रेस्टुरेन्ट आएका थिए ।
उद्घाटन गर्न पुग्दा पञ्चकन्याले लगाइदिएको फूलमाला अनि काशीराम र अर्जुनले लगाइदिएको दोसल्ला र ढाका टोपीले ब्राउन दुलहाजस्तै
देखिए । रिबन काटेपछि ब्राउनले आफ्नै क्षेत्रमा व्यवसाय सुरु भएकामा शुभकामनासहित प्रसन्नता मात्र व्यक्त गरेनन्, उनको क्षेत्र किरकेल्डीमा पनि कहिले खोल्ने भनेर जिज्ञासासमेत राखे ।
समारोहमा ब्राउनले नेपाली समुदायप्रति आफ्नो उच्च लगाव दर्शाए । नेपाली र इन्डियन खाना पाइने उक्त रेस्टुरेन्ट एक लाख पाउन्ड लगानीमा चौथो शाखाका रूपमा खुलेको हो ।
समारोहमा ब्राउनकी धर्मपत्नी सारा, ग्लेनरोथेस एमपी लिन्जे रोयलगायत अन्य वरिष्ठ व्यक्तित्वहरू पनि सामेल थिए । त्यो रमाइलो माहोलमा ब्राउन करिब आधा घन्टा
अल्मलिए । 'स्टार्टर ल्याम्ब टिक्का र पकौडा मात्र खाएर निस्कनुभयो,' काशीरामले भने, 'श्रीमती सारा बच्चासाथ आएको र उनले बच्चाको तस्बिर नलिनु भनेपछि ब्राउन पनि त्यति हेलमेल हुन नपाएझैं लाग्यो ।'
रेस्टुरेन्टका लगानीकर्ता अर्जुन र काशीराम दुवै गुल्मेली व्यवसायी हुन् । भारतमा १८ वर्ष र दुबईमा ६ वर्ष नोकरी गरेपछि सन् २००४ मा वेटरको वर्क परमिट लिएर स्कटल्यान्ड छिरेका थिए काशीराम । उनी जुन रेस्टुरेन्टमा काम गर्न आएका थिए, पछि सन् २००९ मा त्यही रेस्टुरेन्ट किनिदिए । १२ वर्षको उमेरमा घर छाडेकाले उनले पर्याप्त पढ्न पाएनन् । 'सन् १९८४ ताका मैले महिनाको २० भारुमा चिया बेच्ने काम गर्थें, उनले संघर्षको विगत सम्भिmए, 'परिवार ठूलो, घरको आर्थिक अवस्था पनि दयनीय भएपछि इन्डिया हिँडेको थिएँ ।'
उता, १६ वर्षअघि अध्ययनका लागि यूके आएका थिए अर्जुन । एसीसीए उत्तीर्णपछि उनले एकाउन्टेन्सी फर्म पनि चलाइरहेका छन् । हाल स्कटल्यान्डमा मात्र व्यवसाय सञ्चालन गरिरहेका यी दुईले भविष्यमा काठमाडौंमा बाल उद्यानसहित फास्टफुड रेस्टुरेन्ट सञ्चालन गर्ने योजना सुनाए । स्कटल्यान्डकै ग्लास्गोमा भने छिट्टै अर्को शाखा खोल्ने योजना उनीहरूको छ । स्कटल्यान्डमा नेपालीले चलाएका रेस्टुरेन्ट संख्या करिब तीन दर्जन रहेको अनुमान छ ।
प्रकाशित मिति: २०७० श्रावण १३
- See more at: https://www.facebook.com/nepalinewss-popular video:http://www.youtube.com/watch?v=xmpNPgUvoxY
Subscribe to:
Posts (Atom)