भिडियो हेर्नुस्:http://www.youtube.com/watch?v=xmpNPgUvoxY
:http://www.youtube.com/watch?v=SsBsuj2TEog
See more at: http://media36.blogspot.com/
Youtube: http://www.youtube.com/user/gurungyam1
100,000 + Likes Buddha was born in NEPAL : हामी सँग प्रमाण छ ।
मेरोनेपाल Mero Nepal
I lop u kali
Nepali music VDO
Yam gurung
Timro Ziban
तमु - गुरुङ TAMU GURUNG
धनुषा, कार्तिक १८ -
प्रत्यक्षतर्फ सिट संख्या घटे पनि वडासम्म बनेको पार्टी संरचनाका कारण
समानुपातिकतर्फ मत वृद्धि हुने भएकाले समग्रमा अवस्था नखस्कने मधेसवादी
दलका नेताहरूले ठानेका छन् । अघिल्लो संविधानसभामा मूलतः ३ वटा रहेका
मधेसवादी दल यसपटक टुक्रिएर दर्जन बढी भएका छन् ।
मधेस आन्दोलनको प्रभाव पनि खासै नरहेकाले उम्मेदवारको व्यक्तित्व, अर्थ
तथा युवा परिचालनको क्षमता र कतिपय स्थानमा बाहुबलको प्रयोग चुनाव जित्ने
आधार बनेको छ मधेसमा । आफ्नो बाहुबली छविलाई जितको आधार मान्छन्, क्षेत्र ४
का सद्भावना उम्मेदवार सञ्जयप्रसाद साह । गणतन्त्र घोषणापछि जनकपुरमा हवाई
फायर गरेका थिए उनले, त्यसलाई गर्वका रूपमा लिएका छन् । यसअघि फोरम
नेपालबाट ४ हजारभन्दा बढी मतले जितेका थिए उनले । महत्त्वाकांक्षी उनी
सद्भावना छिरेर वरिष्ठ उपाध्यक्ष बने । 'सञ्जय टकला' का नामबाट परिचित उनी
विभिन्न अपराधिक घटनाका आरोपी हुन् । विगतको संविधानसभामा ३ वटा माइक
भाँच्नु नै आफ्नो जितको प्रमुख आधार रहेको उल्लेख गर्दै उनले भने, 'जनताको
प्रतिनिधिले त्यहाँ बोल्न नपाए कहाँ बोल्ने ? मैले मधेसको मुद्दा उठाउन
खोज्दा बोल्न नदिएको जनताले राम्ररी बुझेका छन् ।'
तर मधेस आन्दोलनको हावा खुस्किसकेको आरोप लगाउँछन्, कांग्रेस
पूर्वमहामन्त्री तथा धनुषा क्षेत्र ३ का उम्मेदवार विमलेन्द्र निधि । लोहना
गाउँको चुनावी सभालाई सम्बोधनपछि कान्तिपुरसँग उनले भने, 'मलाई अहिलेसम्म
कुनै जनताले संविधान नबनेकोबारे सोधेका छैनन्, उनीहरूका प्राथमिकतामा
स्थानीय एजेन्डा छन् । अघिल्लो चुनावमा नयाँ मानिस र मुद्दा थिए । अहिले ती
सबै टेस्टेड भइसके, मुद्दा पनि सेलाइसकेको छ । उनीहरूले पनि एक मधेस एक
प्रदेशको नारा छाडिसकेका छन् ।'
तराई मधेस समाजवादी पार्टी -तमसपा) का अध्यक्ष महेन्द्रप्रसाद यादव
मधेसवादी दलको फुटका कारण प्रत्यक्षतर्फको सिट संख्या घट्ने स्वीकार्छन् ।
'तर, समानुपातिकतर्फ भने हाम्रो सिट संख्या बढ्छ । त्यसबेला हामी बिनासंगठन
चुनावमा होमिएका थियौं । अहिले प्रायः सबै दलको वडासम्म कमिटी बनेका छन्,'
सर्लाही ४ का उम्मेदवार यादवले मोहनपुर गाउँमा घरदैलोकै क्रममा भने ।
अघिल्लोपटक व्यक्तिको प्रभाव र मधेस आन्दोलनको रापतापमा धेरैको संख्यामा
मधेसवादी नेताले जितेको स्वीकार्छन् उनीहरू । 'एक दिन मलाई अघिल्लोपटक
तपलोपाबाट चुनाव जितेका गोविन्द चौधरीले भन्नुभएको थियो, जोडा बहल
-तमलोपाको निर्वाचन चिह्न) छाप होइन गोविन्द छापले जितेको हो,' संघीय समाजवादीका अध्यक्ष तथा रौतहट १ का उम्मेदवार अनिल झाले भने ।
अघिल्लो संविधानसभाका मधेसवादी दलको मोर्चा बन्न नसके पनि चुनावको मुखमा
एक-अर्काप्रतिको सद्भाव कायमै थियो । अघिल्लो चुनावको पूर्वसन्ध्यामा होली
पर्व परेको थियो । त्यसबेला पनि यो संवाददाता धेरैजसो शीर्ष मधेसवादी
नेताको गृहजिल्ला सर्लाहीको सदरमुकाम मलंगवा पुगेको थियो । महन्थ ठाकुर,
राजेन्द्र महतो, महेन्द्रप्रसाद यादव एक-अर्कालाई रङ दलिरहेका, मिठाइ
खुवाइरहेका र अंकमाल गरिरहेका थिए । त्यसबेला उनीहरू भन्थे, जसले जिते पनि
यिनै मधेसवादी दलभित्रकालेे नै जित्नुपर्छ । तर, यसपटक यी शीर्ष नेता
एक-अर्काको नाम सुन्न पनि चाहँदैनन् । तमपसाका यादवले क्षेत्र ६ मा तमलोपा
अध्यक्ष ठाकुर प्रतिस्पर्धामै नरहेको बताए भने सद्भावना अध्यक्ष महतोले भोट
किन्ने गरेको आरोप लगाए ।
'मधेसवादी दलकै भए पनि भ्रष्ट र बाहुबली मानिसले त हार्नुपर्छ ।
संविधानसभामा राजनीतिक, इमान्दार र पढेलेखेको/बुझेको मानिस पुग्नुपर्छ,'
धनुषा क्षेत्र ४ का फोरम नेपालका उम्मेदवार प्राडा रामस्वार्थ रायले भने,
'उपेन्द्र यादवजी -पार्टी अध्यक्ष) ले अघिल्लो संविधानसभामा सुधि्रएलान्,
मधेसकै हितमा काम गर्लान् कि भनेर भ्रष्ट, चोरहरूलाई पनि मैका दिनुभयो ।
तर, उनीहरूले सत्ताको खेलमा पार्टी फुटाए, झन् भ्रष्टाचार गरे । बरु एक,
दुई सिट घटोस् तर खस शासक वर्गको इशारामा चलेका भ्रष्टचारी हार्नैपर्छ ।'
संयोगले यसपटकको संविधानसभा निर्वाचनअघि त मधेसीहरूको सबैभन्दा ठूलो पर्व
छठ परेको छ । तर, मधेसवादी नेताहरूको कुरा सुन्दा लाग्छ, यसपटकको पर्वका
बेला शुभकामना आदानप्रदान र अंकमाल गर्न होइन, एक-अर्काको खेदो खन्न तल्लीन
रहनेछन् ।
अघिल्लोपटक प्रत्यक्षतर्फ फोरम नेपालले ३०, तमलोपाले ९ र सद्भावनाले ४ सिट
जितेका थिए । पर्सादेखि धनुषासम्म हेर्दा मधेस आन्दोलनको सूत्राधार फोरम
नेपालको अवस्था कमजोर देखिएको छ । फोरमले दिएका अधिकांश उम्मेदवार बौद्धिक,
प्राज्ञिक, पेसाकर्मी, कम विवादित छविका र पैसाको चलखेल गर्न नसक्ने खालका
छन् । तर, यस क्षेत्रमा रकमी प्रभाव चुनाव जित्ने एक बलियो आधार हो ।
धनुषाको बसपिटीको सभा सकेपछि क्षेत्र ४ का तमलोपा उम्मेदवार वृषेशचन्द्र
लालले भने, 'तर यसपटक जनतालाई ठग्न सकिँदैन । उनीहरूले मुद्दा र व्यक्ति
हेरेरै मत दिन्छन् ।' सोही क्षेत्रका फोरम उम्मेदवार राय भन्छन्, 'पैसा
लिनुस् तर मतदान गोप्य हुन्छ, राम्रो मानिस छान्नुहोस् भनेको छु ।'
कतिपय मधेसवादी दलले पहाड तथा हिमाली जिल्लामा समेत संगठन बनाएका छन् ।
'फेरि हामीले उठाएको मुद्दा मधेसको मात्र होइन । हिमाल, पहाडका आदिवासी
जनजातिको पनि हो, जसलाई पनि सीमित खस, ब्राह्मणले थिचोमिचो गरिरहेका छन् ।
त्यसैले समानुपातिकतर्फ संख्या बढ्ने उनीहरूको बुझाइ छ । यसअघि मधेसी
जनअधिकार फोरमले प्रत्यक्षतर्फ ३० सिट जितेको थियो भने समानुपातिकतर्फ
जम्मा २२ सिट । तराई मधेस लोकतान्त्रिक पार्टीले प्रत्यक्षमा ९ र
समानुपातिक ११ सिट ल्याएका थिए त्यसैगरी । सद्भावना पार्टीले प्रत्यक्ष ४ र
समानुपातिक ५ सिट ल्याएको थियो । प्रत्यक्ष एउटै नजितेको सद्भावना आनन्दी
देवीले समानुपातिकमा २ सिट ल्याएको थियो । मधेसवादी दलले कुल ८३ सिट
ल्याएका थिए, जसमा ४३ प्रत्यक्ष जितेका
थिए । जबकि ३७ र ३३ सिट जितेका कांग्रेस, एमालेले समानुपातिकतर्फ क्रमशः ७३ र
७० सिट पाएका थिए ।
प्रकाशित मिति: २०७० कार्तिक १८
