बलदेवलाई पहिलो हुन चुनौती

'प्रतिस्पर्धी पनि बलिया छन्'

भिडियो हेर्नुस्:http://www.youtube.com/watch?v=xmpNPgUvoxY
:http://www.youtube.com/watch?v=SsBsuj2TEog
See more at: http://media36.blogspot.com/
Youtube: http://www.youtube.com/user/gurungyam1

100,000 + Likes Buddha was born in NEPAL : हामी सँग प्रमाण छ ।
I lop u kali
मेरोनेपाल Mero Nepal
Nepali music VDO
Timro Ziban
तमु - गुरुङ TAMU GURUNG
Yam gurung
कपिलवस्तु, कार्तिक १८ - युद्धकालको फौजी कमान्डर हुँदै शान्ति प्रक्रियामा अग्रणी भूमिका खेलेर राष्ट्रिय पहिचान बनाएका चन्द्रप्रकाश खनाल (बलदेव) का लागि चुनावमा पहिलो हुन भने चुनौती देखिएको छ ।

राष्ट्रिय पहिचान बनाए पनि क्षेत्रमा गतिलो प्रभाव नपर्नुका साथै प्रतिस्पर्धी बलिया (हेबीवेट) रहेकाले उनलाई चुनावी लडाइँ चुनौतीपूर्ण देखिएको हो ।

कपिलवस्तु १ बाट अघिल्लो चुनाव जितेका कांग्रेसका दीपकुमार उपाध्यायको पार्टीगतभन्दा व्यक्तिगत प्रभाव उच्च हुनुका साथै संगठनका कारण एमालेका बलराम अधिकारी मजबुत देखिएकाले बलदेवको जित सहज देखिन्न ।

उम्मेदवार भएलगत्तैदेखि बलदेवले आफ्नो क्षेत्रमा पकड जमाउन तामझामका साथ चुनावी अभियान चलाइरहे पनि माओवादी फुटका कारण सोचेजस्तो माहोल जम्न सकेको छैन ।

यस क्षेत्रमा वैद्यको प्रभाव बलियो देखिएको छ । यसअघि यसै क्षेत्रबाट माओवादी उम्मेदवार रहेका चन्द्रबहादुर चन्द नेकपा माओवादीका जिल्ला इन्चार्ज छन् । एमाओवादीसहित कांग्रेसले आस गरेको थारूको मत थरूहट तराई पार्टी नेपालका उम्मेदवार जवाहरलाल चौधरीतिर आकषिर्त हुने देखिएपछि पहिलाजस्तो मत बटुल्न सक्ने अवस्था छैन ।

त्यस्तै, लुम्बिनीबाटै (रूपन्देही ४) पूर्वप्रधानमन्त्रीसमेत रहेका बाबुराम भट्टराईसमेत उम्मेदवार हुँदाको असर बलदेव र टोपबहादुर रायमाझी (अर्घाखाँची १) सम्मलाई परेको छ ।

बलदेव र रायमाझीको चुनावमा सघाउने सबैजसो क्याडर रूपन्देही ४ तिर मोडिएपछि केन्द्रीय तहमा हैसियत बनाएका बलदेव र रायमाझी थप ओझेलमा पर्न पुगेको स्थानीयहरूको आँकलन छ । भट्टराईलाई हार्नबाट जोगाउन केन्द्रतहको नीतिअनुसारै प्रभावशालीहरू उनको चुनावी क्षेत्र रूपन्देही ४ बुटवलमा खटिएका छन्् । यसको प्रभाव पनि बलदेवले झेल्नुपरेको छ ।

स्वयं पूर्वडेपुटी कमान्डर बलदेवले पनि आफ््नो जितलाई चुनौतीपूर्ण ढंगले हेरेका छन्् । आइतबार आफ्नै घर रहेको कोपवा गाविसको गन्धर्वटोलमा चुनावी घरदैलोका क्रममा भेटिएका बलदेवले कान्तिपुरसित भने, हो चुनौतीपूर्ण छ । तर, कांग्रेसका उम्मेदवारप्रति व्यक्तिगत रूपमा जनतामा वितृष्णा बढ््नुका साथै क्षेत्रमा पार्टी बलियो हुँदै गएकाले जित हासिल गर्न सकिन्छ ।

२०३६ सालदेखिको योगदान र लडाकु समायोजनमा खेलेको भूमिकाका साथै अवसर पाउँदा पनि विगतमा कुनै भूमिकामा नरहेको र जनताले नयाँ मान्छे रोज्नेक्रममा आफू जित्ने उनको दाबी छ । उनले संविधान निर्माणमा पार्टीगतभन्दा व्यक्तिगतरूपमै अग्रगामी सोच राख्नुका साथै अघिल्लाले गरेकाभन्दा विकास निर्माणका काम बढी गर्ने नारा बाँडेर चुनावी अभियान चलाइरहेका छन् ।

अघिल्लो चुनावमा यसक्षेत्रमा एमाओवादी उम्मेदवार चन्द कांग्रेसका उपाध्यायभन्दा १ हजार २ सय ६७ मत कम ल्याएर तेस्रो भएका थिए । चन्द नेकपा माओवादीमा रहेका कारण पनि यहाँ एमाओवादीको भोट काटिन सक्ने देखिन्छ ।

उपाध्यायले १२ हजार ९ सय ९७ मत ल्याएका थिए भने निकटतम रहेका एमालेका अधिकारीले १२ हजार ८ सय २ मत ल्याएका थिए । बलदेवले आफ्नो क्षेत्रमा निकै दौडधूप गरेर संगठन विस्तार गर्न खोजेको त देखिन्छ, तर प्रतिस्पर्धी उम्मेदवारले पनि आफ्ना पार्टीका संगठनलाई सशक्त बनाउने, भोट घट्न नदिने रणनीति लिएका कारण चुनावको मुखमा मात्रै संगठन विस्तार गर्न खोज्दा एमाओवादीलाई झनै असर पुगेको देखिन्छ ।

तर, नागरिक अगुवा द्रोणराज सुवेदी भने बलदेव केन्द्रीयतहमा टपटेनमा पर्ने नेता भएको र राष्ट्रियस्तरमा पहुँच राख्ने नेता हुनुका साथै संगठन पनि बलियो बन्दै गएकाले उनको जित सुनिश्चित भएको दाबी गर्छन् । एमाले उम्मेदवार अधिकारीले भने बलदेव आफ्नो प्रतिस्पर्धी नै नभएको दाबी गरे । संगठन अहिले पनि मजबुत रहेको र चुनावसम्मै कसरत कायम हुने भएकाले आफूले जित्ने उनले बताए । कांग्रेस उम्मेदवार उपाध्याय पार्टीका हिसाबले पनि राष्ट्रियस्तरमै पहिचान बनाएका र बलिया व्यक्ति भएकाले उनीसँगै टक्कर हुने अधिकारीले उल्लेख गरे ।

प्रकाशित मिति: २०७० कार्तिक १८