भिडियो हेर्नुस्:http://www.youtube.com/watch?v=xmpNPgUvoxY
:http://www.youtube.com/watch?v=SsBsuj2TEog
See more at: http://media36.blogspot.com/
Youtube: http://www.youtube.com/user/gurungyam1
100,000 + Likes Buddha was born in NEPAL : हामी सँग प्रमाण छ ।
मेरोनेपाल Mero Nepal
I lop u kali
Nepali music VDO
Timro Ziban
Yam gurung
तमु - गुरुङ TAMU GURUNG
सर्लाही, कार्तिक १७ -
अघिल्लो संविधानसभा चुनावमा संगठनबिना नै होमिएर यहाँबाट चार स्थानमा विजय
हासिल गरेका मधेसवादी दलको संगठन विस्तार वडा तहसम्म पुगे पनि पार्टीमा
आएको विभाजनले योपल्ट नतिजामा असर पार्ने देखिएको छ । यसअघि ३ को संख्यामा
रहेका मधेसवादी दल करिब दर्जन पुगेका मात्र छैनन्, तिनीहरूको शीर्ष
नेतृत्वमा वैमनस्य पनि बढेकाले जित हात पार्न हम्मेहम्मे पर्ने देखिएको छ ।
मधेसवादी दलका चार केन्द्रीय अध्यक्षको गृहजिल्ला भए पनि पार्टी विभाजनका
कारण आसन्न संविधानसभा निर्वाचनमा यहाँ प्रमुख दलको प्रभाव पहिलेको तुलनामा
केही बढ्ने देखिन्छ । मधेसमा प्रभाव बढाउन एमाले अध्यक्ष झलनाथ खनालले पनि
यहाँबाट उम्मेदवारी दिएका छन् । उनी थपिएपछि केन्द्रीय अध्यक्षको संख्या ५
पुगेको छ ।
खनालसँगै तराई मधेस लोकतान्त्रिक पार्टी -तमलोपा) अध्यक्ष महन्थ ठाकुर,
सद्भावना अध्यक्ष राजेन्द्र महतो, तराई मधेस सद्भावना पार्टी -तमसपा)
अध्यक्ष महेन्द्रप्रसाद यादव र चुरेभावर राष्ट्रिय एकता पार्टीका अध्यक्ष
बद्रीप्रसाद न्यौपाने यहाँको चुनावी प्रतिस्पर्धामा छन् ।
सबै दल आफ्ना उम्मेदवार सबभन्दा बलियो भएको दाबी गर्न चुकेका छैनन् ।
एमालेले चार क्षेत्रमा र एमाओवादी, कांग्रेस, सद्भावना, तमसपा, तमलोपा,
मधेसी फोरम नेपाल र फोरम लोकतान्त्रिकले तीन/तीन क्षेत्रमा जित्ने दाबी
गरेका छन् । अलि कमजोर मानिएका स्थानमा पनि सबैले आफूलाई बलियो
प्रतिस्पर्धी र सम्मानजनक मत आउने दाबी छाडेका छैनन् ।
क्षेत्र नम्बर १ मा अघिल्लो पटक एमालेका प्रकाश पाखि्रनले एमाओवादीका
लुमडीप्रसाद धिमालभन्दा करिब २ हजार चार सय बढी मतले जितेका थिए । यसपटक यस
क्षेत्रमा एमाले अध्यक्ष तथा पूर्वप्रधानमन्त्री खनालले उम्मेदवारी दिएका
छन् । सुरक्षित क्षेत्र ठानिए पनि जिल्लाका पूर्वउपसचिव रूपनारायण सिंहको
पार्टी त्याग, एमाले 'मधेसविरोधी' भन्ने प्रचारजस्ता कारणले खनालको चुनावी
यात्रा सहज छैन ।
एमाओवादीका शम्भुलाल श्रेष्ठसँग उनको प्रतिस्पर्धा छ । कांगे्रसकी सुशीला
कार्की, तमसपाका रामचन्द्रसिंह कुशवाहा, तमलोपाका गोपाल पञ्जियार,
सद्भावनाका रूपनारायणसिंह दनुवार पनि चर्चामा रहेका उम्मेदवार हुन् ।
एमालेका जिल्ला पूर्वउपसचिव दनुवार सद्भावनाबाट उठ्नुले केही मत प्रभावित
हुन सक्छ । एमाले छाडेर मधेसवादी दलमा गएका महेन्द्रप्रसाद यादव पनि
मधेसबाट खनाल नजितुन् भन्ने चाहन्छन् । खनाललाई हराउन उनको सहयोग जुटाउने
प्रयत्नमा केही एमाओवादी नेताले प्रयास गरेका छन् । एमाले पृष्ठभूमिकै यादव
माउ पार्टीप्रति असन्तुष्ट छन् ।
'खनालकै क्षेत्रका सयौं एमालेलाई हाम्रो पार्टीमा प्रवेश गराएको छु,'
मोहनपुरमा घरदैलो गर्दा भेटिएका यादवले भने, 'संघीयताविरोधीलाई जनताले
हराउँछन् ।' २०५६ मा १ नम्बरमा एमालेबाट यादवले चुनाव जितेका थिए ।
त्यहाँका एमाले कार्यकर्तासँग अझै पनि यादवको व्यक्तिगत सम्पर्क छ । खनालको
चुनाव प्रचारमा जुटेका एमाले अञ्चल सचिव लक्ष्मण पौडेल भने ठूलो मत
अन्तरले चुनाव जित्ने दाबी गर्छन् ।
'संगठनको आधार र राष्ट्रिय नेता भएकाले जनताको अपूर्व समर्थन पाइरहेका
छौं,' पौडेलले भने, 'सहजै जित्छौं ।' एमाओवादीबाट उम्मेदवारी दिएका श्रेष्ठ
४ पटक महासमिति सदस्य भइसकेका पुराना कांग्रेस कार्यकर्ता हुुन् । २५ वर्ष
आबद्ध पार्टी छाडेर एमाओवादी छिरेका श्रेष्ठ कांग्रेसलाई देखाउन पनि चुनाव
जित्न अथक प्रयास जारी राखेका छन् । एमालेकै ओली पक्षका नेता प्रचारमा
खुलेर नलागेको फाइदा आफूलाई हुने एमाओवादीले ठानेको छ । साथै तमसपा अध्यक्ष
यादवले यस क्षेत्रका आफ्ना उम्मेदवार प्रतिस्पर्धामा धेरै माथि आउन नसक्ने
देखे एमाओवादीलाई सघाउने र आफ्नो क्षेत्र ४ मा उसको समर्थन लिने रणनीतिमा
लागेको चर्चा छ ।
तमसपाका कुशवाहा प्रमुख पाँचभित्र रहेका प्रतिस्पर्धी मानिएकाले उनको मत
एमाओवादीमा गए खनाललाई ठूलो चुनौती हुन सक्छ । 'प्रभावशाली व्यक्तित्व,
राष्ट्रिय राजनीतिमा योगदान र एमालेका एजेन्डाका कारण अध्यक्ष जितको नजिक
हुनुहुन्छ,' लामो समयदेखि यहाँ रहेर चुनावी अभियान चलाइरहेका केन्द्रीय
सदस्य परशुराम मेघी गुरुङले भने ।
अघिल्लो निर्वाचनमा ९ हजार १ सय ५६ मत ल्याएर एमालेका रिजवान अन्सारीले
जितेको क्षेत्र २ मा यसपटक धेरै प्रतिस्पर्धी देखिएका छन् ।
प्रतिस्पर्धीभन्दा करिब १२ सय अन्तरले विजयी अन्सारीले यसपटक संघीय
समाजवादी पार्टीबाट सोही क्षेत्रमा उमेदवारी दिएका छन् । मधेसवादी दल र
चुरेभावर पार्टीमा भएको फुट र संघीय समाजवादीको उमेदवारीले गर्दा
कांग्रेसको अवस्था केही राम्रो बनेको छ ।
कांग्रेसका रामचन्द्र चौधरी, एमालेका सुरेन्द्र लामा, माओवादीका राजकुमार
राय, सद्भावनाका अफजल हुसेन, तमसपाका कौशल किशोर राय, तमलोपाका विनय कर्ण,
चुरेभावरका बद्री न्यौपानेलगायत बलिया प्रतिस्पर्धीका रूपमा देखिएका छन् ।
अन्सारीले पार्टीको संगठन बलियो नभए पनि मुद्दाका आधारमा आफ्नो उमेदवारी
बलियो भएको दाबी गरे ।
करिब तेह्र सय मत अन्तरले एमालेलाई पछि पार्दै तमलोपाकी सुमित्रादेवी राय
यादवले जितेको क्षेत्र ३ मा अहिले एमालेका हरि उप्रेती, एमाओवादीका
भरतकुमार थापा, तमलोपाका रामवाबु यादव, कांग्रेस केन्द्रीय सदस्य मीना
पाण्डे, सद्भावनाका बलिराम चौधरी, फोरम नेपालका अशोककुमार सिंह, तमसपाकी
किरणकुमारी राय, संघीय समाजवादीका सोमबहादुर लामा प्रतिस्पर्धाको चर्चामा
छन् । सुमित्रा यसपटक चुनाव लडिनन् । किरणकुमारी अघिल्लो पटक एमालेका
तर्फबाट समानुपातिक सभासद थिइन् । मधेसवादी दलमा भएको फुटले प्रमुख दललाई
केही फाइदा हुने सम्भावना बढेको छ । एमालेका उप्रेती यसअघि निकटतम
प्रतिद्वन्द्वी रहे पनि संघीय समाजवादीको उदयले उनलाई असर पार्ने देखिन्छ ।
सद्भावना अध्यक्ष राजेन्द्र महतोले निकटतम प्रतिस्पर्धीभन्दा ८ हजार ३ सय
बढी अन्तरले जितेको क्षेत्र ४ मा यसपटक उनको चुनौती थपिएको
छ । तमसपाका अध्यक्ष महेन्द्रप्रसाद यादव पनि यसपटक सोही क्षेत्रमा
उम्मेदवार छन् । मधेसवादी दलका दुई केन्द्रीय अध्यक्षबीच कडा प्रतिस्पर्धा
हुने देखिएको छ । सोही क्षेत्रबाट पूर्वमन्त्री फोरम नेपालका रामचन्द्र
राय, एमालेका राजनारायण साह, कांग्रेसका लक्ष्मण राय संगठन र जनाधार भएका
उम्मेदवार हुन् । अघिल्लो चुनावमा पहिलो तीन स्थानमा हासिल गर्ने मधेसवादी
दलमात्र थिए । आश्वासन पूरा नगरेको, पार्टी विभाजन भएको जस्ता कारणले
अघिल्लो निर्वाचनको अवस्था यसपटक छैन । त्यहाँ एमाले र कांग्रेसको मत केही
बढ्ने आँकलन गरिएको छ ।
सद्भावनाका केन्द्रीय सदस्य राजाराम पासवान मतदाता घटेकाले पहिले जति भोट
नआए पनि जित निश्चित भएको दाबी गर्छन् । 'कति अन्तरले जित्ने भन्ने मात्र
हो,' उनले भने, 'पार्टीले लिएको नीति र विकासका कारण मतदाता हाम्रो पक्षमा
छन् ।' घरदैलोमा व्यस्त तमसपा अध्यक्ष यादव जितहारको फैसला जनताको अदालतले
गर्ने बताउँछन् । 'विकास भएन भनेर मलाई यहाँ उठ्न जनताले दबाब दिए,' उनले
भने, 'अब जनताले फैसला गर्छन् ।' सद्भावनाका महतो अन्य जिल्लाको प्रचारमा
रहेकाले अहिलेसम्मको अभियानमा यादव अगाडि देखिएका छन् ।
अघिल्लो चुनावमा सद्भावना पार्टीबाट क्षेत्र ५ मा करिब साढे ८ सय मतले
जितेका खोभारी राय अहिले तमसपाबाट सोही क्षेत्रमा उठेका छन् । पार्टी
परिवर्तन गरिरहने राय जितेपछि जिल्लामा कम समय बसेको गुनासो कार्यकर्ताको छ
। मधेसवादी दलको बलियो पकड रहेको उक्त क्षेत्रमा तमलोपाका जिल्ला अध्यक्ष
जंगीलाल राय, फोरम लोकतान्त्रिकका वरिष्ठ उपाध्यक्ष रामेश्वर राय, फोरम
नेपालका जिल्ला अध्यक्ष अशोक यादव, सद्भावनाका जिल्ला अध्यक्ष प्रमोद साह,
पूर्वसहायक मन्त्री कांग्रेसका नागेन्द्र राय बलिया उम्मेदवार हुन् ।
तमलोपा अध्यक्ष महन्थ ठाकुरलाई क्षेत्र ६ मा अघिल्लो चुनाव हराएर चर्चामा
आएका शिवपूजन राय अहिले तमसपाबाट सोही क्षेत्रमा उठेका छन् । उनले ठाकुरलाई
झिनो मतअन्तरले हराएका थिए । त्यस क्षेत्रमा ठाकुर, राय र कांग्रेसका
अमरेश सिंहबीच कडा प्रतिस्पर्धा छ । सिंह र ठाकुर दुवै भारतीय सद्भाव
प्राप्त नेता हुन् । सिंह यसअघि करिब ४ हजार मतले पछि रहे पनि तेस्रो भएका
थिए । उनले सरकारको र भारतीय दूतावासले सञ्चालन गर्ने विभिन्न परियोजना
ल्याएर यस क्षेत्रमा धेरै विकास गरेकाले उनीप्रति जनता आशावादी देखिएका छन्
। तर ढल्कँदो उमेरका ठाकुरप्रति मधेसका मुद्दा स्थापनाकै लागि कांग्रेस
त्यागेर संघर्ष गरेको भन्दै जनताको सद्भाव छ । ठाकुर अन्य जिल्लाका
अभियानमा सक्रिय रहेकाले जिल्लामै रहेका सिंह र राय अगाडि देखिएका छन् ।
एमाओवादीबाट उम्मेदवार बनेका जिल्ला विकास समितिका पूर्वसभापति नन्दलाल
राय, सद्भावनाका फकिरा महतो पनि बलिया उम्मेदवार हुन् । तमलोपाका जिल्ला
अध्यक्ष जंगीलालले प्रचारमा नआए पनि ठाकुरलाई दस हजारभन्दा बढी जनताले
जिताउने प्रतिबद्धता जनाएकाले उमेदवारी दिएको बताए । ठाकुर प्रत्यक्ष उठ्न
चाहेका थिएनन् । 'क्षेत्रका हजारौं हजार जनताले उहाूलाई उमेदवारी दिन बाध्य
पारेपछि उहाँ चुनावमा उठ्नुभएको,' उनले भने, 'उहाँको जितमा कुनै शंका छैन
।'
प्रकाशित मिति: २०७० कार्तिक १७
