काठमाडौ ३ मा तीनदलीय प्रतिस्पर्धा

भिडियो हेर्नुस्:http://www.youtube.com/watch?v=xmpNPgUvoxY
:http://www.youtube.com/watch?v=SsBsuj2TEog
See more at: https://www.facebook.com/nepalinewss
Youtube: http://www.youtube.com/user/gurungyam1

100,000 + Likes Buddha was born in NEPAL : हामी सँग प्रमाण छ ।
I lop u kali
मेरोनेपाल Mero Nepal
Nepali music VDO
Timro Ziban
Yam gurung
तमु - गुरुङ TAMU GURUNG

काठमाडौ, कार्तिक १७ - काठमाडौ ३ का कांग्रेस उम्मेदवार चक्रबहादुर ठकुरी शनिवार विहान ७ वजे आलापोटमा चुनाव प्रचारप्रसार तथा घरदैलो कार्यक्रम निकै व्यस्त देखिन्थे । गत संविधानसभा निर्वाचनमा जितेपछि आफूबाट केही कमीकमजारी भएको भन्दै क्षमा दिन जनतासँग आग्रह गर्दै थिए । 'तपाईहरुले जिताउन भएको हो, यसपालि पनि भोट दिनु होला, विकास निर्माणमा धेरै गर्न नसकेको हुँला, अब ध्यान दिन्छौं' उनले भने । एमाले उम्मेदवार रामेश्वर फुँयाल पनि सुन्दरीजलको पदयात्रा कार्यक्रमा निकै व्यस्त थिए । गत संविधानसभा निर्वाचनमा काँग्रेस नेता ठकुरीसँग पराजित भएका फुँयालले यसपालि निकै सक्रियता बढाएका छन् ।

विहानदेखि साँझ अबेरसम्म घरदैलो कार्यक्रम तथा युवा, वृद्धबृद्धालगायत महिलासँग अन्तक्रिया कार्यक्रममा निकै व्यस्त छन्् । 'यस क्ष्ाेत्रको विकास गर्नेछौं,भोट दिनुहोला' सुन्दरीजलस्थित कार्यक्रमा उनले भने, 'मलाई जिताउन होला ।' एमाओवादी उम्मेदवार गणेश रेग्मी पनि चुनावप्रसार अभियानमा निकै व्यस्त छन् । शनिबार विहान उनी जोरपाटी गाविसको घरदैलो कार्यक्रममा थिए ।

तीन दलका उम्मेदवारले संविधान निर्माण भन्दा पनि विकास निर्माणलाई प्राथमिकतामा राखेका छन् । यस क्ष्ाेत्रका स्थानीयवासीले गत संविधानसभा निर्वाचनमा जस्तो उम्मेदवारसँग संविधान निर्माणवारेमा खासै चासो जिज्ञसा राखेका छैनन् । सुन्दरीजलका स्थानीयवासी रमेश सिंखडाले संविधान निर्माण भन्दा पनि विकास निर्माणमा जनता केन्दि्रत भएको बताए । 'संविधान निर्माणको पाटो त छदैछ, अब जनतालाई विकास चाहिएको छ,' उनले भने । गत संविधानसभा निर्वाचनमा काँग्रेस, एमाले र एमाओवादीवीच काडा प्रतिस्पर्धा भएको थियो । काँग्रेस र एमालेले पूरानै अनुहारलाई उम्मेदवार बनाएको छ भने, एमाओवादीले नयाँ व्यक्तिलाई उम्मेदवार बनाएको छ ।

यस क्षेत्रमा महानगरको एकवटा वडा र ८ वटा गाविस छन् । सबै भन्दा बढी मतदाता रहेको महानगरपालिको ६ नम्बरवडा बौद्ध र जोरपाटी गाविसमा सबै उम्मेदवार केन्दि्रत भएका छन् । जोरपाटी बाहेक अन्य सात गाविसमा करीव १८ हजार मतदाता छन् । एमालेको भोट वैंक मानिने बौद्ध क्ष्ाेत्रमा मात्र करीव १५ हजार मतदाता छन् । जोरपाटी गाविसमा करीव १६ हजार मतदाता छन् । ठकुरी जोरपाटीका स्थानीय वासिन्दा हुन् । यस पटक संघीय समाजवादी पार्टीका आङकाजी शेर्पाले पनि प्रतिस्पर्धामा छन् ।

शेर्पाले आफू जनतामाझ जनपि्रय भएको दाबी गरे । गत संविधानसभा निर्वाचनमा काँग्रेसका ठकुरीले १२ हजार ९ सय ६६, एमालेका रामेश्वर फुयाँलले ९ हजार ५ सय ४९ र एमाओवादीकी मनु हुमागाँई (केसी)ले ७ हजार ३ सय ७१ मत प्राप्त गरेको थियो । यस पटक कुल मतदाता ४६ हजार ६० रहेका छन् ।

प्रकाशित मिति: २०७० कार्तिक १७