निर्वाचन हिंसा बढ्दै

भिडियो हेर्नुस्:http://www.youtube.com/watch?v=xmpNPgUvoxY
:http://www.youtube.com/watch?v=SsBsuj2TEog
See more at: https://www.facebook.com/nepalinewss
Youtube: http://www.youtube.com/user/gurungyam1

100,000 + Likes Buddha was born in NEPAL : हामी सँग प्रमाण छ ।
मेरोनेपाल Mero Nepal
Nepali music VDO
I lop u kali
Timro Ziban
Yam gurung
तमु - गुरुङ TAMU GURUNG

बाँके, कार्तिक १७ - निर्वाचन प्रचारप्रसारमा राजनीतिक दलहरूबीच अस्वस्थ प्रतिस्पर्धा सुरु भएको छ । यसले मध्यपश्चिमका जिल्लामा दोहोरो झडपका घटनाले निरन्तरता पाएका छन् । झडपका क्रममा विभिन्न दलका ५७ कार्यकर्ता घाइते भएका छन् । उल्लंघन भएका आचारसंहिता र झडपका घटना अनुगमन गरिरहेका अधिकारबादी संघसंस्थाले उम्मेदवारले प्रचारमा प्रयोग गरेका सवारी साधनमा आगजनी र प्रचारका सामग्री लुटपाट भइरहेको जनाएका छन् । उनीहरूले अस्वस्थ प्रतिस्पर्धाले हिंसात्मक घटना हुन सक्ने चेतावनीसमेत दिएका छन् ।

स्वच्छ निर्वाचनका लागि नागरिक अभियानले शुक्रबार नेपालगन्जमा पत्रकार सम्मेलन गरी निर्वाचन प्रचारका क्रममा मध्यपश्चिम क्षेत्रमा भएका भडप र आगजनीका घटनाहरू निरन्तर भइरहेको जनाएको छ । उसले झडपका क्रममा रुकुममा ७, प्युठानमा २, हुम्लामा १, बर्दियामा २ र रोल्पामा ३ व्यक्ति घाइते भएको जनायो । जाजरकोटमा ८, कालिकोटमा ६, बाँकेमा १ र जुम्लामा १ व्यक्ति झडपमा परी घाइते भएका छन् । त्यस्तै मुगुमा १०, सल्यानमा १०, डोल्पामा ५ र दाङमा १ व्यक्ति झडपमा परी घाइते भए ।

रूकुममा नेपाली कांग्रेसका कार्यकर्ताले लैजाँदै गरेको टिसर्टसहितका प्रचार सामग्री एमाओवादी कार्यकर्ताले कब्जा गरी फिर्ता गरिएको अभियानकाले जनायो । त्यस्तै दाङमा एमाओवादीका जिल्ला सदस्यमाथि गोली प्रहार भएको र एक दलका कार्यकर्ताले विपक्षी पार्टीका नेतालाई धम्की दिएको समेत अभियानले सार्वजनिक गरेको प्रतिवेदनमा उल्लेख छ । सल्यान र रोल्पामा नेकपा-माओवादी र एनेकपा माओवादी झडप भएको, जाजरकोट, मुगु, सुर्खेत र रोल्पामा माओवादी कार्यकर्ताले निर्वाचन सामग्री कब्जा गरेको, कांग्रेस सभापति सुशील कोइराला, एमाले सचिव शंकर पोख्रेल, दाङ २ का एमाले उम्मेदवार शान्ता चौधरी, कांग्रेसक सुशीला चौधरी र प्युठान ४ का उम्मेदवार नवराज सुवेदीको सवारी साधनमा आगजनी भएको अभियानले जनायो ।

त्यस्तै, दलहरूले निर्वाचन आचारसंहिता व्यापक उल्लंघन गरेका छन् । मध्यपश्चिममा एमाओवादीेले १७, कांग्रेसले १०, एमालेले ८, राप्रपाले २ र अखण्ड नेपाल, तराई मधेसी सद्भावना पार्टी, मधेसी जनाधिकार फोरमले एकएक र अन्यबाट २ आचारसंहिता उल्लंघन गरेका घटना अभिलेख भएको जनाइएको छ । तर जिल्लाका निर्वाचन अधिकृतका कार्यालयमा १५ वटा उजुरी परेका छन् । पत्रकार भेटघाटमा नेपाल सरकारका पूर्व सचिव डा. त्रिलोचन उप्रेतीले नेकपा-माओवादीलाई बाहिरै राखेर निर्वाचन गर्न थालिएकाले नयाँ संविधान बन्न नसक्ने शंका जनाए । इन्सेकका अध्यक्ष शुबोधराज प्याकुरेलले संवधानभाको निर्वाचनपछि पनि नयाँ संविधान बन्नेमा धेरै तगाराहरू रहेको बताए ।

एमाले कार्यालय तोडफोड

धरान- अज्ञात समूहले एमालेको तीन निर्वाचन परिचालन वडा कार्यालय तोडफोड गरेको छ । धरान नगरपालिकाको वडा नम्बर ११, १६ १७ का कार्यालय तोडफोड गरी झन्डासमेत जलाइदिएका छन् । एमाले क्षेत्रीय निर्वाचन परिचालन समिति तथा प्रचारप्रसार कमिटीले तोडफोडको भत्र्सना गरेको छ । एमालेले वडा कार्यालय तोडफोडको दोष संघीय समाजवादी पार्टीमाथि लगाउँदै समाजवादीले अराजक र अरानीतिक क्रियाकलाप बन्द नगरे आफूहरू चुप लागेर नबस्ने चेतावनी दिएको छ ।

संघीय समाजवादीले एमालेको कार्यालय तोडफोड आफ्ना कार्यकर्ताले गरेको प्रमाण पुर्‍याउन चुनौती दिएको छ । पार्टीका जिल्ला उपाध्यक्ष पारस काङमाङले भने, 'अघिल्लो दिन मेरो ज्यान लिने उद्देश्यले पेस्तोल ताकेर गोली हानेको काण्डलाई मोड्न एमालेले षडयन्त्रमात्र गरेको हो ।' उनले गोली काण्ड हँुदासमेत आफू र पार्टीले संयम अपनाएको र एमालेसँग निर्वाचन अवधिभर कुनै मुठभेड नगर्ने नीति लिएको बताए ।

गाडीमा आगजनी

विराटनगर- मोरङ र सुनसरीका एमाओवादी उम्मेदवारको चुनावी प्रचारमा प्रयोग गरिएका दुई वटा गाडीमा बिहीबार राति आगजनी गरिएको छ । आगजनी कसले गरेको भन्ने खुलिसकेको छैन । तर सम्बन्धित पार्टीले विपक्ष्ाी राजनीतिक दलका कार्यकर्ताले आगजनी गरेको दाबी गरेका छन् । सुनसरी क्षेत्र २ मा एमाओवादीबाट उम्मेदवार रामकुमारी चौधरीको गाडीमा आगजनी भएको छ । चौधरी बस्ने स्थान वीपी चोकस्थित कोठा अगाडि पार्किङ गरेर राखिएको को१च ५८५१ नम्बर जिपमा तोडफोड र आगजनी भएको प्रहरीले जनायो ।

यसैगरी, मोरङ क्ष्ाेत्र ८ का एमाओवादी उम्मेदवार गोपी अछामीको चुनाव प्रचारका लागि प्रयोग गरिएको जिपमा पनि आगजनी भएको छ ।

पार्टीका अनुसार मोटरसाइकलमा आएका दुई जनाले पेट्रोल छर्केर गाडीको अगाडिपट्टकिो भागमा प्रहार गरेका थिए । आगो लाग्नासाथ कार्यकर्ताले तत्कालै निभाएकाले बढी क्षति नभएको पार्टीले जनायो ।

कार्यकर्ता धम्क्याएको भन्दै आपत्ति

संखुवासभा- कांग्रेस कार्यकताले आफ्ना कार्यकर्तालाई धम्की दिएको भन्दै एमाले संखुवासभाले आपत्ति जनाएको छ । चुनाव प्रचारका क्रममा जिल्लाको सिद्धपोखरीमा कांग्रेसका कार्यकर्ताले एमाले जिल्ला सदस्य भरत खत्रीलाई ज्यान मार्ने धम्की दिएको एमालले शुक्रबार प्रेस विज्ञप्तिमार्फत जनाएको छ । कांग्रेस कार्यकर्ताले खराङ, सिद्धकाली, नुनढाकी र सिसुवाटारमा आमसभा बिथोल्न खोजेको आरोपसमेत विज्ञप्तिमा लगाइएको छ ।

यसैबीच, कांग्रेस संखुवासभाले सिसुवाटारमा एमालेले नै आमसभा चुधाएर भिडन्त निम्त्याउन खोजेको प्रतिक्रिया दिएको छ । उसले कांग्रेसका तर्फबाट कुनै पनि स्थानमा कार्यक्रम बिथोल्न नखोजेको स्पष्ट पारेको छ ।

बन्दकर्ता पक्राउ

बुटवल- रुपन्देही र कपिलवस्तुमा बन्द सफल पार्न भन्दै सडकमा उत्रेका नेकपा-माओवादीका १२ कार्यकर्ता पक्राउ परेका छन् । इलाका प्रहरी बुटवलले जिल्लाको पर्रोहा गाविसबाट ६ जना पक्रेको हो । प्रक्राउ पर्ने नेकपा-माओवादीका कार्यकर्ता रहेको बुटवलका प्रहरी नायव उपरीक्षक राजकुमार वैदवारले बताए ।

यसअघि पक्राउ कार्यकर्ता रिहाइ माग गर्दै आव्हान आयोजना गरेको बन्दको प्रभाव पर्‍यो । बिहानैदेखि रुपन्देहीबाट छुट्ने तथा रुपन्देही भएर चल्ने पूर्वपश्चिम राजमार्ग र सिद्धार्थ राजमार्गमा यातायातका साधन चलेनन् । भित्री तथा हुलाकी सडकमा पनि यातायातका साधन ठप्प भए । बुटवल र आसपासमा रहेका बजार, पसल, उद्योग तथा व्यापारिक प्रतिष्ठान, औद्योगिक क्षेत्रलगायत पनि बन्द भए । निर्वाचन बिथोल्ने गतिविधिमा संलग्न भएको आरोपमा प्रहरीले रुपन्देहीका १२ सहित पश्चिम क्षेत्रका झन्डै ३ दर्जन माओवादी कार्यकर्ता पक्राउ गरेको छ ।

त्यस्तै कपिलवस्तुमा कार्यकर्ता पक्राउको विरोधमा गरिएको बन्दले जनजीवन प्रभावित बन्यो । बन्दले जिल्लामा दिनभर यातायातका साधन सञ्चालन भएनन् । विद्यालय, उद्योग र कलकारखाना पनि बन्द रहेका थिए । सेवाग्राही नजाँदा सदरमुकामका सरकारी कार्यालय सुनसान बनेका थिए । बन्द गर्न निस्केका ६ माओवादी कार्यकर्तालाई प्रहरी पक्राउ गरेको छ ।

ट्रक जलाए

बन्दकर्ताले कपिलवस्तुको पूर्व-पश्चिम राजमार्गस्थित बरकुलपुर ४ चम्पापुरमा ट्रक जलाएका छन् । धनगढीबाट मसुरोको दाल लिएर वीरगन्ज गइरहेको ना४ख २६५० नम्बरको ट्रक शुक्रबार बिहान जलाइएको इप्रका गोरुसिंगेले जनाएको छ । ७ जना बन्दकर्ताले ट्रक रोक्न लगाई आगजनी गरी भागेका थिए । आगजनी गरेपछि बन्दकर्ताले चालक कृष्ण चौधरीसँग मोबाइल माग्दा नदिएपछि उनलाई कुटपिट गरेका थिए ।

प्रकाशित मिति: २०७० कार्तिक १७