यस्तो छ रेग्मीको महासभा तालिका
सेप्टेम्बर २८ मा सम्वोधन गर्ने
काठमाडौ,
श्रावण ३० -
अन्तरिम चुनावी मन्त्रिपरिषद अध्यक्ष खिलराज रेग्मी राष्ट्रसंघको ६७ औं
महासभामा भाग लिन नेपाली टोलीको नेतृत्व गर्दै सेप्टेम्बर २० मा न्युयोर्क
जाने भएका छन् । सानो टोली लिएर जान लागेका रेग्मीले महासभामा भारतका
प्रधानमन्त्री मनमोहन सिंह, राष्ट्रसंघ महासचिव वान कि मुनलगायतसँग
भेटवार्ता गराउन कुटनीतिक पहल थालिएको छ ।
महासभामा मुलुकको सहभागिता तयारी गर्न राष्ट्रसंघका लागि नवनियुक्त आवासीय
प्रतिनीधि दुर्गाप्रसाद भट्टराई सोमबार न्युयोर्क गएका छन् । उनलाई रेग्मी
स्वयम्ले महासभामा सहभागिता दौरान महत्वपूर्ण विदेशी नेताहरुसँग भेटघाटको
व्यवस्था मिलाउन निर्देशन दिएको स्रोतले बतायो । रेग्मीले महासभालाई
सेप्टेम्बर २८ मा सम्वोधन गर्ने कार्यक्रम छ ।
मुलुकको नेतृत्व गरेर जाने सरकार प्रमुखले महासभामा विदेश सरकार प्रमुख,
राज्य प्रमुखलगायत प्रभावशाली नेता, पात्रसँग 'साइडलाइन' भेट्ने परम्परा छ ।
महासभा सेप्टेम्बर १७ मा सुरु हुनेछ । नेपाली प्रमण्डलले यसपटक अलिक
चाँडै पुगी अपांगता, आणविक निशस्त्रिकरणलगायत विषयमा हुने शिखर बैठकमा
सहभागिता जनाउने कार्यक्रम छ ।
प्रकाशित मिति: २०७० श्रावण ३०
No comments:
Post a Comment