भक्तपुर कांग्रेसमा विवाद

See more at: http://media36.blogspot.com/
-भिडियो हेर्नुस्:http://www.youtube.com/watch?v=xmpNPgUvoxY
 I lop u kali
 Nepali music VDO
 मेरोनेपाल Mero Nepal
भक्तपुर, भाद्र २२ - प्रतिनिधि छनोटमा जिल्ला कार्यसमितिले एकलौटी गरेको भन्दै असन्तुष्ट पक्षले शुक्रबार कांग्रेस केन्द्रीय कार्यालयमा उजुरी दिएका छन् । क्षेत्रीय समितिले गरेको सिफारिसअनुसार जिल्ला कार्यसमितिले पठाएको रायमा निश्चित व्यक्तिको नाम मात्रै पठाएको भन्दै विवाद सुरु भएको हो ।
भक्तपुरको २ नम्बर क्षेत्रीय समितिले जिल्लालाई तीनजना सर्वसम्मत र ११ जना उम्मेदवार बन्न इच्छुक भएको सिफारिस पत्रमा उल्लेख छ । रामेश्वर ढुंगेल, दुर्लभ थापा र मदनकृष्ण श्रेष्ठ सर्वसम्मत भएको क्षेत्रको पत्रमा उल्लेख छ ।
त्यस्तै उम्मेदवार बन्न इच्छुक भन्दै नाम सिफारिस गरेकामा रामप्रसाद दवाडी, भेषबहादुर कार्की, महेश श्रेष्ठ, कविर राणा, केदार खड्का, जयराम श्रेष्ठ, मुरारीप्रसाद आचार्य, राजनकाजी त्वाटी, सन्तोष भट्टराई, गौरी केसी र उद्धव केसी छन् । तर, जिल्लाले केन्द्रलाई पठाएको रायमा पहिलो नम्बरमा दुर्लभ थापा सम्भावित उम्मेदवार हुन सक्ने उल्लेख छ । त्यस्तै रामेश्वर र मदनकृष्णलाई क्रमशः दोस्रो र तेस्रो नम्बरमा राखेको छ ।
त्यस्तै १ नम्बर क्षेत्रीय समितिले कृष्णलाल भडेल, गणेशमान चक्रधर, पुरुषोत्तम लामिछाने, प्रवीण वन, विनोद कायस्थ, राजाराम खड्का, रोशन खड्कालाई सिफारिस गरेको थियो । तर, जिल्लाले केन्द्रमा पठाएको रायमा पहिलो नम्बरमा जिल्ला सभापति चक्रधर, प्रवीण वन र कृष्णलाल भडेल छन् । क्षेत्रले सिफारिस गरेको व्यक्तिहरूबारे केन्द्रलाई पठाउने रायको विषयमा जिल्ला कार्यसमितिको बैठकले टुंगो लगाउन नसकेपछि सभापतिलाई अधिकार दिएको थियो । 'जिल्लाले पठाएको रायमा एक क्षेत्रको तीन जना नाम सिफारिस गरेको छ,' पार्टी मुख्यालयका एक नेताले भने, 'जिल्लाले कसलाई उम्मेदवार बनाउूदा जित्न सक्छ भन्ने रायका आधारमा केन्द्रले टिकट दिन सक्छ ।'
जिल्लाले पठाएको रायमा नाम समावेश नभएकाले शुक्रबार केन्द्रमा छानबिनका लागि निवेदन दर्ता गरेका छन् । दुई नम्बर क्षेत्रमा क्षेत्रीय भेलामा सहभागीको सुझावभन्दा बाहिर गएर निर्णय गरेर नाम पठाएकाले उजुरी दिनुपरेको पूर्वजिल्ला सभापति महेश श्रेष्ठले बताए । 'क्षेत्रीय भेलामा मुख्य र इच्छुक उम्मेदवार भन्ने छुट्टयाउने निर्णय भएको थिएन, कसरी त्यस्तो निर्णय भयो ? केन्द्रलाई छानबिन गरिदिन भनेका छौं,' उनले भने, 'भेलाको निर्णयभन्दा बाहिर गएर निर्णय हुनुका साथै जिल्लाले निश्चित व्यक्तिलाई मात्रै सिफारिस गर्नु गैरकानुनी हो ।' दुवै क्षेत्रमा भएको निर्णय गोप्य राखेर कार्यकर्तालाई भ्रममा पारेको उनीहरूको आरोप छ ।
जिल्ला पार्टी सभापति गणेश चक्रधरले पार्टीले पठाएको रायमा कसैले चित्त नबुझे प्रजातान्त्रिक परिपाटीबाट विरोध गर्न पाइने बताए । 'मैले कसैलाई पाखा र कसैलाई काखा गर्नुपर्ने आवश्यक छैन,' उनले भने, 'मैले गरेको निर्णय पार्टीको हो । चित्त बुझेन भने कमेन्ट गर्न पाइन्छ ।'

प्रकाशित मिति: २०७० भाद्र २२