सेनाको ट्रकले ज्यान लिएपछि तनाव

See more at: https://www.facebook.com/nepalinewss
-भिडियो हेर्नुस्:http://www.youtube.com/watch?v=xmpNPgUvoxY

 Buddha was born in NEPAL : हामी सँग प्रमाण छ ।
 I lop u kali
 Nepali music VDO
 मेरोनेपाल Mero Nepal


काठमाडौ, भाद्र ३० - नेपाली सेनाको ट्रकले चार दिनअघि भद्रकालीअगाडि ठक्कर दिँदा ज्यान गुमाएका मृतकका आफन्त क्षतिपूर्तिको माग गर्दै आन्दोलनमा उत्रिएका छन् ।
सिंहदरबारबाट सुन्धारातर्फ गइरहेको बा१ग २४५६ नम्बरको सैनिक ट्रकले मोटरसाइकलमा रहेका सोलुखुम्बु चौलाखर्कका २७ वषर्ीय धनबहादुर बस्नेतलाई ठक्कर दिएको थियो । उछिट्टएिर सडकमा पछारिन पुगेका बस्नेतको उपचारका क्रममा मृत्यु भएको थियो ।
मृतककी श्रीमती, दुई छोरीलगायत आफन्तले शनिबार भद्रकालीअगाडि क्षतिपूर्तिलगायत माग राख्दै प्रदर्शन गरेका हुन् । शान्तिपूर्ण विरोध भनिए पनि सवारी सधान रोक्न थालेपछि प्रहरीले हस्तक्षेप गरेको थियो । काठमाडौं प्रहरी प्रमुख एसएसपी सुबोध घिमिरेका अनुसार सडक अवरुद्ध गर्न खोज्ने १० जनालाई नियन्त्रणमा लिएर साँझ छाडिएको छ ।
मृतकका भिनाजु देवराज कार्कीले माग पूरा नभएसम्म शव नबुझ्ने बताए । शव त्रिवि शिक्षण अस्पताल महाराजगन्जमा राखिएको छ । पीडित परिवारले बस्नेतका छोराछोरीलाई शिक्षा र श्रीमतीलाई योग्यताअनुसार रोजगारी दिनुपर्ने माग राखेको छ । मृतकका पितालाई स्वास्थ्य उपचार खर्च र शव दाहसंस्कारमा लाग्ने खर्च उपलब्ध गराउनुपर्ने पनि माग छन् ।
सैनिक प्रवक्ता जगदीश पोख्रेलले क्षतिपूर्ति र राहतबारे छलफल भइरहेको जानकारी दिए । नेपाली सेनाको सवारी साधन बिमा गरिएकाले तेस्रो पार्टी बिमाबापत प्राप्त हुने ५ लाख रुपैयाँ तत्काल उपलब्ध गराइने उनले बताए ।

प्रकाशित मिति: २०७० भाद्र ३०