उपेन्द्र यादव मोर्चासँग सात बुँदे सहमति > समानुपातिक प्रतिशत बढाएर ५८ प्रतिशत पुर्‍याउने

See more at: https://www.facebook.com/nepalinewss
-भिडियो हेर्नुस्:http://www.youtube.com/watch?v=xmpNPgUvoxY

काठमाडौं, श्रावण ३१ - उच्चस्तरीय राजनीतिक समिति र उपेन्द्र यादव नेतृत्वको संघीय लोकतान्त्रिक मोर्चाबीच सात बुँदे सहमति भएको छ । सहमतिपछि मोर्चा पनि चुनावमा आउने प्रतिबद्धता जनाएको छ ।

बिहीबार राति अबेरसम्म भएको वार्तापछि समिति र मोर्चाबीच सहमति भएको कांग्रेस नेता अर्जुननरसिंह केसीले जानकारी दिए । उनका अनुसार सहमतिमा समानुपातिक प्रतिशत बढाएर ५८ प्रतिशत पुर्‍याउने उल्लेख छ ।

केसीका अनुसार आगामी संविधानसभालाई ५ सय ८१ सदस्यीय बनाउने सहमति भएको छ । तीमध्ये २ सय ४० प्रत्यक्ष, ३ सय ३५ समानुपातिक र मनोनीत १० जना रहनेछन् ।

यसैगरी उच्चस्तरीय राजनीतिक समितिलाई विस्तार गरि उपेन्द्र यादवलाई पनि सहभागी गराउने सहमति भएको छ । निर्वाचन कार्यतालिका प्रभावित नपार्नेगरि फोटोसहितको मतदाता नामावली संकलन अवधि थप्ने पनि सहमति भएको केसीले जानकारी दिए ।


प्रकाशित मिति: २०७० श्रावण ३१